USArmenianews.com
Լրատվական կայք՝ Լոս Անջելեսից
Հինգշաբթի, 28 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Պավլիկ Մանուկյանը առանց բացառության բոլոր ընդդիմադիրներին համարում է ղախպի տղերք
2016-07-21 09:28:00
Տպել Տպել


«Առաջին լրատվական»-ը հեռախոսազրույց է ունեցել «Սասնա ծռեր» խմբի անդամ Պավլիկ Մանուկյանի հետ:

–Պարոն Մանուկյան, այս գործընթացի հանգուցալուծումն ինչպե՞ս եք պատկերացնում, որովհետև գնալով կարծես թե իրավիճակը փակուղում է հայտնվում: Երեկ նաև սրացումներ եղան, բախումներ տեղի ունեցան ոստիկանների և ցուցարարների միջև Խորենացի փողոցում:

-Ոստիկաներին հորդորում եմ զերծ մնալ իրենց սև գործից, հասկանան, որ սեփական ժողովրդի զավակն են իրենք, չի կարելի երկար տարիներ լուռ, հանցագործների ձեռքին որպես գործիք ծառայել, չի կարելի սեփական ժողովրդին պատանդ պահել երկու տասնամյակից ավելի, չի կարելի սեփական ժողովրդին արնախում անել ու աղքատացնել, որովհետև այդ աղքատությունը վաղը չոքելու է իր սեփական ընտանիքի դուռը: Եվ ժողովրդին հորդորում եմ այս հնարավորությունը ձեռքից բաց չթողնել և սեփական հաղթանակից հետ չկանգնել: Մենք կզոհվենք, կմեռնենք, բայց այստեղից դուրս չենք գա առանց հաղթանակի:

-Ձեր ո՞ր նշված պահանջը պետք է կատարվի, որ համարեք հաղաթանակ:

-Այն, որ տարիներ առաջ թալանված էր… այսինքն՝ հանցագործ, թրքաբարո, ներքին թուրքին «սիկտիր անելը»:

-Այսինքն՝ նկատի ունեք Սերժ Սարգսյանի և Կառավարության հրաժարականը և նորԿառավարության ձևավորո՞ւմը, նաև քաղբանտարկյալների ազատ արձակո՞ւմը:

-Բնականաբար դրանք էլ, դրանք ենթապահանջներ են, փոքրիկ պահանջներ են:

-Եթե ենթապահանջներից, ինչպես դուք նշեցիք, որևէ մեկը կատարվի, հնարավո՞ր է նաև քննարկվի ձեր հանձնվելու տարբերակը:

-Հանձնվելը մոռացեք: Չի՛ լինի, տենց բառ մի՛ ասեք, աղջիկ ջան, կրկնում եմ, էդ բառը չկրկնեք: Ես երբևիցե հանձնված չկամ, Ժիրոյի գումարտակը երբևիցե դիրք հանձնած չկա, զոհված կան, կմեռնենք:

-Պարոն Մանուկյան, իսկ բանակցությունների մասով ի՞նչ կասեք, ովքե՞ր են հիմա բանակցում:

-Ալեք Ենիգոմշյանն է, կգա իրիկունը, երեկ չի եկել, էսօր կգա, կիմանաք՝ ինչ է կատարվում:

-Այսինքն՝ դեռևս տեղեկություններ երեկվա դրությամբ չունե՞ք:

-Չէ՛, չունենք: Մեր բանակցություների արդյունքում Ժիրայր Սեֆիլյանը պետք է գա… որպեսզի այս ամեն ինչը ինքը եզրափակի:

–Պարոն Մանուկյան, քաղաքական ուժերը՝ հատկապես խորհրդարանական, կարծես թեզերծ են մնում որևէ գնահատականներից, ակտիվորեն ցույցերին մասնակցում է ՆիկոլՓաշինյանը, նա նաև փորձեց ձեզ հետ բանակցել, խոսել, նաև ձեր խոսքը փորձեցլրատվամիջոցների միջոցով իշխանություններին փոխանցել, սակայն երեկ արդեն իսկագրեսիա էր նկատվում Նիկոլ Փաշինյանի նկատմամբ, կոշտ գնահատականներ տվեց նաև«Մենք ենք տերը մեր երկրի» նախաձեռնությունը:

-Երբևիցե տեսե՞լ ես ընդդիմադիր, ոչ իշխանական… նույն ղախպի տղեքն են, քանի տարի ժողովրդին խաբելով՝ այդ անունների տակ, ուղղակի կարելի է ասել «քցել» են ժողովրդին:

–Նաև Նիկոլ Փաշինյանի՞ն նկատի ունեք:

-Բոլորին: Էս ինչի՞ նման է՝ խաբել սեփական ժողովրդին էսքան:

–Այսինքն՝ կարծում եք, որ նա իրավասու չէ՞ ձեր անունից հասարակության կամ այնմարդկանց հետ խոսել, ովքեր Խորենացի փողոցում հավաքվում են:

-Ժողովուրդն իր անելիքը շատ լավ գիտակցում է, ընդամենը պետք է առաջնորդել դեպի այստեղ: Ի սեր Աստծո, ինչի՞ մասին է խոսքը, եթե Նիկոլ Փաշինյանը գնում է բանակցությունների մեկ սրա հետ, մեկ նրա, ինչի՞ մասին է խոսքը, իշխանական ցանկացած թևի հանցագործի հետ բանակցելդ արդեն անիմաստ է: Նրանք անգամ թույլ չեն տալիս Նիկոլ Փաշինյանը գա այստեղ, ուր մնաց թույլ տան… Հա՛, ես հարգում եմ Նիկոլի անունը, շատ եմ հարգում, միակն էր և առաջինն էր, որ եկել է այստեղ, բայց Նիկոլն անգամ չի պատկերացնում այս ժողովրդի ներքին ներուժը:

–Այսինքն՝ չեք ուզում, որ նաև Նիկոլ Փաշինյա՞նը ձեր անունից խոսի:

-Նիկոլը պիտի հանդիպի, իմանա ինչ խոսի մեր անունից, թույլ չեն տալիս այդ մարդուն, ո՞նց կարող է Նիկոլը մեր անունից խոսել:

–Իսկ մյուս քաղաքական ուժե՞րը, որոնք ոչ մի գնահատական չեն հնչեցնում կամզգուշավոր են:

-Զգուշավորը ո՞րն է, դե բոլորն էլ…

–Իշխանություններից այսօր առաջինը Հովիկ Աբրահամյանն է Կառավարության նիստիժամանակ դատապարտել զինված հարձակումը:

-Ողջ Հայաստանն արդեն 25 տարի է դատապարտում է այդ զինված հանցավոր բանդային, ի՞նչ: Մենք դրանց ասածները հաշվի չենք առնելու՝ ո՛չ մկանը, ո՛չ շանը, ո՛չ շակալինը, մենք մեր ժողովրդից գողացածը պիտի հետ բերենք, վերջ, էս է իմ պատասխանը: Հովիկ Աբրահամյանը՝ հանցագործություն, հանցագործը հենց ինքն ա, իր եղած-չեղածով, էդ բանդայով, իր ոչխար Կառավարությամբ, իր ասպատակներով:

–Պարոն Մանուկյան, հասարակության մեջ տարբեր կարծիքներ են շրջանառվում, ոմանք նշում են, որ զինված խումբը, ըստ էության, ահաբեկչական գործողություններ է կատարում, նկատի ունեն նաև Ձեզ, ոմանք էլ նշում են, որ սա կարծես թե ելք էր փակուղային իրավիճակից դուրս գալու համար, ելք էր նաև Արցախի հետ կապված…

-Իհարկե, և՛ Արցախի հարցին էր վերաբերում, չենք ուզում, որ վաճառքի դնեն այդ ավազակ վաճառականները… Ովքեր որ մեզ որակում են տեռորիստ, հենց իրենք են ժողովրդի տեռորիստները, էս իշխող բանդան, որ սաղին թալանել է, մերթընդմերթ անունը փոխել է ՀՀՇ… հիմա՝ ՀՀԿ, այ էդպես հերթով «կզցնելով», էս ժողովրդին արնախում անելով՝ դատարկեցին երկիրը, սերնդազրկեցին և հայրենազրկեցին: Պավել Մանուկյանը և իր ընկերները ո՞նց կարող ա իրենց հայրենակցի վրա զենք բարձրացնեն:

-Պարոն Մանուկյան, հաշվի առնելով, որ նաև քանակով շատ ավելի քիչ եք, քան կուտակված ոստիկանությունն է, և ի վերջո կարող են գրոհի դիմել, ինչպե՞ս…

-Լավ կանեն, հենց դրան էլ սպասում եմ, բա ի՞նչ անեմ, թողնեմ իմ ժողովրդիս արյունաքամ անե՞ն էդ ղախպի տղեքը, պիտակավորեն, տանեն ինչ ուզենան անե՞ն:

-Եթե ըստ էության այս իշխանություններին համարում եք ռեժիմ և համարում եք, որ լեգիտիմ չեն իշխանությունները, այս դեպքում բանակցելու իմաստը ո՞րն է:

-Սա բանակցություն չի, սա կապիկություն է, որ սրանք անում են, սրանք նույնիսկ մինչև էսօր բժշկին են մեր մոտից հանում, նոր մի կտոր իբր հաց ու պանիր, թե հաց ու չգիտեմ ինչ բերեցին, դրանք «գյորնամիշ» են, դրանք մտածում են՝ մենք անուղղելի ենք, մեզ կարելի է խաբել էլի:

-Ձեր ընտանիքի անդամների հետ կարողացե՞լ եք խոսել, դստեր, կնոջ հետ:

-Ոչ մի լուր չունեմ: Ձենս կտրվել է, մեղք եմ, խնայեք ինձ, էներգիա չունեմ: Ոտքերիս տակից արդեն արյուն ա գալիս:

-Ձեր որդի՞ն ինչպես է:

-Իմ որդին՝ մարտական, ինձանից սարսափելի զինված:

-Իսկ պատանդնե՞րը:

-Պատանդները՝ որդուցս լավ:

-Սննդի հարցերը կարգավորվեցի՞ն, թե՞ հիմա էլ շարունակվում են մնալ չկարգավորված:

-Ինչ-որ բան բերել են, ես տեղյակ չեմ, պիտի գնամ տեսնեմ՝ ինչ են բերել:

Տեսանյութը ՝ «Առաջին լրատվական»-ի

Elq.am

Այս նյութը դիտել են - 7170 անգամ
Թողնել մեկնաբանություն
Բոլորը ›››
Facebook