USArmenianews.com
Լրատվական կայք՝ Լոս Անջելեսից
Շաբաթ, 03 Դեկտեմբերի 2022թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am
Facebook twitter Youtube
Search
am en
Արխիվ
Օրվա Լուսանկար
Օրվա խորհուրդը
2022-09-26 00:27:00
Տպել Տպել

ԱՄՆ Արևմտյան թեմի առաջնորդանիստ Սրբոց Ղևոնդյանց մայր տաճարի հովանու ներքո մանուկներին կրթում, սովորեցնում են ոչ միայն մեր ոսկեղենիկ մայրենին, ծանոթացնում են ոչ միայն մեր գրականության գոհարներին, այլ նաև կարևորում են աշակերտների հայեցի դաստիարակությունը, արմատներին հավատարիմ մնալու հաստատակամությունը, ինքնության պահպանությանը:

2022 թ․-ի սեպտեմբերի 24-ն սկսվեց սովորականի պես. եկեղեցու դռները բացվեցին աշակերտների առջև: Բայց, հարկ է խոստովանել, որ օրվա խորհուրդն այլ էր: Երեխաները ձեռքերին ունեին ծաղկեփնջեր, որոնք խոնարհելու էին քառասունչորսօրյա պատերազմի, մերօրյա հերոսների համար կանգնեցված հուշաքարի առջև, որը խորհրդաշում է մեր ազատատենչ ոգին ու հայրենիքի անկախության համար մղվող հավերժ պայքարը:
Բացման խոսքով հանդես եկավ արժանապատիվ տեր Խաժակ քահանա Շահբազյանը: Երեխաների հետ արդեն ավանդական դարձած զրույցի հիշատակեց օրվա խորհրուրդը՝ Սուրբ Գևորգի տոնը, ով անմահացավ և սրբադասվեց՝ պայքարելով հանուն մեր հավատի:
Սրբի մղած պայքարն այսօր էլ շարունակական է. այսօր էլ մեր հայ զինվորը պայքար է մղում հանուն մեր հավատի, մշակութային բարձր արժեքների պահպանման և մեր արյան գնով ձեռք բերված ազատության, մեր լինելիության համար:
Անկախությունը բացարձակ արժեք է, որի համար մենք դարեր շարունակ պայքարել ենք ու պայքարում ենք մինչև օրս:
Առավոտյան պատգամի ընթացքում անվանակոչության օրվա առթիվ շնորհավորեցին բոլոր ներկա Գևորգներին: Սա նշան է այն բանի, որ սփյուռքում հայ ծնողները կարևորում են իրենց արմատներին հավատարիմ մնալը՝ երեխաներին կոչելով սրբերի և հայկական արմատներ ունեցող անուններով:
Սա մի վառ օրինակ է, որ մեր սաների ոգում շարունակում են ապրել մեր անմահ հերոսները, որոնց անուններին համարժեք իրենք շարունակելու են պայքարել հանուն անկախության, հանուն մեր մայրենիի և հանուն մեր պայծառ ապագայի:
Ապա Արևմտյան թեմի շաբաթօրյա դպրոցների հոգևոր տեսուչ, «Փոքրիկ հրեշտակներ» շաբաթօրյա դպրոցի տնօրեն, բարեշնորհ Հովհաննես սարկավագ Գումրույանը, ամփոփեց օրվա խորհուրդը, որից հետո ուղղորդեց աշակերտներին դեպի եկեղեցու բակ, որտեղ գտնվող հուշաքարի առաջ երեխաները ծաղիկներ խոնարհեցին՝ այն ըմբռնմամբ, որ գոյամարտը շարունակվում է, իսկ վաղվա պայքարի հաղթական հերոսները հենց իրենք են:
Արարողության ավարտից հետո երեխաները վերադարձան իրենց դասարանները, որտեղ ևս խոսվեց ՀՀ Անկախության խորհրդի ու երեկվա ու այսօրվա մեր հայրենիքի դժվարությունների մասին:
«Փոքրիկ հրեշտակներ» դպրոցը միշտ էլ միտված է եղել Հայաստանի և Սփյուռքի կապի ամրապնդմանը, մայիենիի նկատմամբ հավատարմության և սիրո դրսևորմանը, ինչպես նաև Հայրենիքին անվերապահ ծառայելու, նվիրվելու ազնվագույն կոչմանը:

Սոնա Գևորգյան
ուսուցչուհի

Այս նյութը դիտել են - 500 անգամ
Թողնել մեկնաբանություն
2022-09-26 00:27:00 Օրվա խորհուրդը
Օրվա խորհուրդը
Բոլորը ›››
Ամենաընթերցվածները
Օրվա Շաբաթվա Ամսվա
Facebook