USArmenianews.com
Լրատվական կայք՝ Լոս Անջելեսից
Երեքշաբթի, 25 2017թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|Սոցցանց|Հարցազրույց|Տեսանյութ|Շոուբիզնես|Մշակույթ|Սպորտ|Ուտելիք-Մուտելիք|Առողջապահություն|Ժամանց|Հաճելի Երաժշտություն|ՀՀ Ոստիկանական Համակարգի Իրական Դեմքը
Facebook twitter Youtube
Search
am en
2017-07-24 13:28:00 Որպես մենախոսություն...Վերջաբանի  խոսք  արձակագիր Լևոն ԱդյանինՈրպես ›››
Արխիվ
Օրվա Լուսանկար
Օրվա Տեսանյութ
ՀՀԿ ՀԱՄԱԳՈՒՄԱՐՀՀԿ ՀԱՄԱԳՈՒՄԱՐ 2016-11-25 23:37:00
Օրվա Տեսանյութ
Ո՞ր երկրներն ունեն առանց վիզա ԱՄՆ-ը և Հայաստան այցելելու իրավունք Amerikayi dzayn
2017-07-10 17:36:00
Տպել Տպել
Օտար երկիր առանց վիզա ստանալու պահանջի այցելությունը վկայում է հյուրընկալվող և հյուրընկալող երկրների միջև առկա հարաբերությունների բարձր մակարդակի, ինչպես նաև քաղաքական նպատակահարմարության մասին: Հաճախ վիզային ռեժիմները վերացվում է հարևան բարեկամ երկրների միջև՝ ավելի դյուրին դարձնելու առևտուրը, զբոսաշրջությունն ու աշխատուժի հոսքը: Այն կիրառվում է նաև տարբեր տարածաշրջանային դաշինքների ու կառույցների անդամակցելու դեպքում:

Առանց մուտքի վիզա ստանալու Միացյալ Նահանգներ կարող են այցելել Եվրամիության անդամ բոլոր երկրների քաղաքացիները բացառությամբ Բուլղարիայի, Խորվաթիայի, Կիպրոսի, Լեհաստանի ու Ռումինիայի: Ամերիկյան վիզա ստանալու պահանջից ազատված են նաեւ Եվրամիության անդամ չհանդիսացող երկրներից Իսլանդիան, Նորվեգիան, Շվեյցարիան, ինչպես նաև քաղաք-պետություններ Անդորրայի, Մոնակոյի և Սան Մարինոյի քաղաքացիները:

Բացի այդ ԱՄՆ-ն առանց վիզայի մուտք գործելու իրավունք է շնորհել Կանադայի, Չիլիի, Բրունեի, Ավստրալիայի, Ճապոնիայի, Նոր Զելանդիայի, Սինգապուրի, Հարավային Կորեայի եւ Թայվանի քաղաքացիներին:

Առանց վիզա ԱՄՆ-ն այցելելու ռեժիմը գործում է զբոսաշրջության և կարճաժամկետ աշխատանքային այցելության համար: Այն չի տրամադրում արտոնյալ այս երկրների քաղաքացիներին Միացյալ Նահանգներում աշխատելու կամ մշտական բնակչություն հաստատելու իրավունք՝ սահմանելով մոտ 90 օրյա ժամկետ ԱՄՆ-ի տարածքում գտնվելու համար: Առանց վիզայի մուտք գործելու իրավունքն այս երկրների քաղաքացիների համար չի գործում, եթե նրանք Իրաքի, Իրանի, Սուդանի կամ Սիրիայի քաղաքացի են:

Հայաստանի ու Միացյալ Նահանգների միջև գործում է միակողմանի վիզային ռեժիմ: Հայաստանի կառավարության որոշմամբ 2015 թվականի հունվարից ամերիկյան քաղաքացիների համար վերացվել է Հայաստան մուտք գործելու համար վիզա ստանալու պաhանջը, մինչդեռ ԱՄՆ-ն այցելելու համար Հայաստանի քաղաքացիները պարտավոր են ստանալ մուտք գործելու վիզա: Նշենք սակայն, որ Հայաստանի քաղաքացիների համար ԱՄՆ-ը մուտք գործելու իրավունքը տրամադրվում է հեշտացված կարգով՝ ներառյալ մինչև 10 տարվա ժամկետով բազմակի մուտք գործելու իրավունքը:

Այլ երկրների պարագայում առանց վիզա ստանալու պահանջի Հայաստան կարող են այցելել ինչպես Եվրամիության անդամ, այնպես էլ դաշինքից դուրս գտնվող եվրոպական բոլոր երկրների քաղաքացիները: ԱՊՀ անդամ պետությունների, Ուկրաինայի ու հարևան Վրաստանի ու Իրանի քաղաքացիները ևս ազատված են մուտքի վիզա ստանալու պահանջից: Նույն իրավունքից են օգտվում նաև Լատինական Ամերիկայի պետություններից Ուրուգվայը, Արգենտինան ու Բրազիլիան: Մի շարք այլ երկրների պարագայում վիզային ռեժիմի ազատականացումը գործում է միայն դիվանագիտական կամ հատուկ անձնագրերի դեպքում:

Բոլոր վերոհիշյալ երկրների քաղաքացիները Հայաստանի Հանրապետության տարածքում կարող են գտնվել 180 օր ժամկետով մեկ տարվա ընթացքում:

Այս նյութը դիտել են - 6838 անգամ
Թողնել մեկնաբանություն
Բոլորը ›››
Հարցում

Ինչպե՞ս եք գնահատում ՀՀ Ոստիկանական համակարգի աշխատանքը

Նշեք 1 պատասխան:

  • Լավ (48-ձայն)
  • Վատ (54-ձայն)
  • Շատ Վատ (431-ձայն)
Ajax Loader
Facebook