USArmenianews.com
Լրատվական կայք՝ Լոս Անջելեսից
Հինգշաբթի, 18 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Թիլերսոնին Մոսկվայում բարդ բանակցություններ են սպասվում Amerikayi dzayn
2017-04-10 15:37:00
Տպել Տպել

«Մենք խոստանում ենք պատասխանատվության կանչել յուրաքանչյուրի, ով աշխարհի ցանկացած կետում անմեղ մարդկանց դեմ հանցանք կգործի», - այս մասին հայտարարել է Միացյալ Նահանգների պետքարտուղար Ռեքս Թիլերսոնը: Իտալիայում անցնող Մեծ յոթնյակի արտգործնախարարների աջակցությունը ստանալուց հետո, ԱՄՆ-ի պետքարտուղարը չորեքշաբթի Մոսկվա կմեկնի, որտեղ կողմերին բարդ բանակցություններ են սպասվում:
Մասնավորապես, Ռեքս Թիլերսոնը նախատեսում է պարզել Սերգեյ Լավրովից Սիրիայում քիմիական զենքի առկայության հարցը, քանի որ 2013-ին հենց Մոսկվան էր երաշխավորել, որ Սիրիայի իշխանությունները կձերբազատվեն քիմիական զենքերից ամբողջությամբ.
« Ինձ համար պարզ չէ, թե ինչու Ռուսաստանին չի հաջողվել կատարել իր պարտավորությունը: Ես հեռու գնացող եզրահանգումներ չեմ անի, սակայն, անշուշտ նրանք ձախողել են աշխատանքները կամ ուղղակի խաղալիք են դարձել սիրիացիների ձեռքում»:
Արտգործնախարար Լավրոսվի հետ հանդիպման ժամանակ ԱՄՆ-ի պետքարտուղարը պատրաստվում է հիշեցնել Ռուսաստանի այդ պարտավորության մասին: Մոսկվան Բաշար ալ-Ասադի վրա հսկայական ազդեցություն ունի եւ պետք է ի վիճակի լինի պարտադրել, որպեսզի Ասադն այլեւս չօգտագործի նման զենք.
«Հույս ունեմ, որ Ռուսաստանը լավ է մտածում Բաշար ալ-Ասադի հետ շարունակվող այս դաշինքի շուրջ, քանի որ նման յուրաքանչյուր սարսափելի հարձակումից հետո Ռուսաստանն ավելի է մոտենում պատասխանատվության որոշակի սահմանի»:
Ռուսաստանի վերլուծաբանների կարծիքով, Մոսկվան չի կարող դադարեցնել Ասադի վարչակարգի աջակցությունը.
«Այս պահին ցանկացած փոփոխություն կընկալվի որպես ԱՄՆ-ի ճնշման տակ ընկրկում», - նշում է Միջազգային հարաբերությունների խորհուրդի վերլուծաբան Անդրեյ Կորտունովը:
Եթե կողմերին չհաջողվի գալ պայմանավորվածության, ապա Սիրիայի տարածքում հակամարտությունը կարող է ուղղակի բախումների բերել, որի արդյունքում ռուսական հակաօդային համակարգերը կփորձեն ոչնչացնել ամերիկյան ինքնաթիռ կամ հրթիռ: Իսկ դա բոլորովին այլ իրավիճակի կհանգեցնի:

Այս նյութը դիտել են - 6180 անգամ
Թողնել մեկնաբանություն
Բոլորը ›››
Ամենաընթերցվածները
Օրվա Շաբաթվա Ամսվա
Facebook