«Իշխանության վերին օղակում չես կարող ունենալ մեկին, ով վիրավորում է բոլոր խմբերին, ում մասին խոսում է: Չեմ կարող հավատալ, որ նահանգապետ Փենսը կպաշտպանի Դոնալդ Թրամփի այս վիրավորանքներով լի քարոզարշավը», ասել է Քեյնին:

Իր հերթին Փենսը հաճախակ անտեսում էր հարձակումները Թրամփի նկատմամբ և շրջում բանավեճը դեպի Քլինտոնի անձը:

«Այսօր Սիրիայում առկա իրավիճակը, որին մենք հետևում ենք ժամ առ ժամ, արդյունք է ձախողված և թուլ արտաքին քաղաքականության, որն այս վարչակազմը որդեգրել էր Հիլարի Քլինտոնի օգնությամբ», նշել է հանրապետական փոխնախագահի թեկնածուն:

Վերլուծաբան Օստին Հարթի կարծիքով փոխնախագահների այս բանավեճը դժվար թե փոխեն մարդկանց կարծիքը: Ըստ նրա՝ դեմոկրատները ողջունում են հարձակումները Թրամփի նկատմամբ, իսկ հանրապետականները ապավինում են նահանգապետ Փենսի սթափ, հավասարակշռված դիրքը:

Կիրակի օրվա բանավեճի նախօրեին Թրամփն արդեն ազդանշանել է, որ որդեգրելու է հարձակողական մոտեցում՝ հեգնելով Քլինտոնի թոքերի բորբոքման վերաբերյալ լուրերը:

«Նա պետք է կարողանա լուծել բազմաթիվ խնդիրներ, իսկ նա չի կարողանում 15 քայլ անել դեպի իր ավտոմեքենան: Ինչի՞ մասին է խոսքը», հայտարարել է Թրամփը:

Ինչ վերաբերվում է Քլինտոնին, ապա նա ամենայն հավանականությամբ երկրորդ բանավեճի ընթացքում կընդգծի միասնության կարևրությունը:

«Իմ տեսակետն այն է, որ մենք արդեն ուժեղ ենք և եթե աշխատենք միասին, ապա մոտակա տարիներին էլ ավելի կուժեղանանք», նշում է դեմոկրատների նախագահական թեկնածու Քլինտոնը:

Մեթյու Դալեկի կարծիքով հաջորդ բանավեճը հնարավորություն է Թրամփի համար փոփոխություններ մտցնել մրցավազքում:

Նա ասում է. «Եթե նա ավելի լավ պատասխանի որոշ հարցերին, ցույց տա ավելի շատ բանիմացություն և չլինի այդքան ագրեսիվ, ինչպես առաջինի ժամանակ, ապա այս բանավեճը կարող է շատ տարբերվել նախկինից»:

Իսկ պահպանողական մեկնաբան Ֆրեդ Բարնեսի կարծիքով Թրամփը պետք է խուսափի իրեն քննադատողների նկատմամբ թվիթերյան հարձակումներից և բանավեճի ընթացքում լինի ավելի կարգապահ:

Այսպիսով հաջորդ Քլինտոն-Թրամփ բանավեճը մոտենում է, որի ընթացքում թեկնածուներին հարցեր կուղեն ինչպես բանավեճի վարողն, այնպես էլ բանավեճին հատուկ հրավիրված սովորական ընտրողներ:

amerikayidzayn.com