USArmenianews.com
Լրատվական կայք՝ Լոս Անջելեսից
Ուրբաթ, 29 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Մոսկվան հետաքրքրված չէ Ղարաբաղյան խնդրի լուծմամբ...
2015-12-15 23:45:00
Տպել Տպել

Լեռնային Ղարաբաղի խաղաղ բանակցություններում առաջընթաց գրանցելու համար անհրաժեշտ է, որ Միացյալ Նահանգները ավելի մեծ դեր խաղա բանակցային գործընթացում, «Ամերիկայի Ձայն»-ի հայկական ծառայությանն ասել է Ամերիկյան արտաքին քաղաքականության խորհրդի ավագ վերլուծաբան Սթիվեն Բլանքը:

«Շատ ավելի արդյունավետ կլիներ, եթե Միացյալ Նահանգները շատ ավելի գործուն եւ եռանդուն դեր ստանձներ, այլ ոչ թե խնդրի կարգավորումը թողներՌուսաստանին», - նշել է Բլանքը:

Վերլուծաբանի խոսքով, Մոսկվան հետաքրքրված չէ ղարաբաղյան խնդրի լուծման մեջ եւ օգտվում է դրա չկարգավորված լինելուց, որի պատճառով հայերի ու ադրբեջանցիների միջեւ մթնոլորտը շարունակում է սրվել՝ դառնալով բռնությունների պատճառ:

«Որքան երկար շարունակվի այս իրավիճակը, այնքան բարդ կլինի այն կարգավորելը», - համոզված է Բլանքը:

«Ստրատֆոր» կենտրոնի փոխնախագահ Ռեվա Բհալլան վերջին շաբաթներում գրանցվող հայ-ադրբեջանական լարվածությունը դիտարկում է գլոբալ ենթատեքստում: Վերլուծաբանի խոսքով՝ Հայաստանում ռուսական ներկայությունն Ադրբեջանին ավանդաբար մանեւրելու նեղ հնարավորություն է թողել, սակայն, նոր զարգացումները կարող են նաեւ փոխել իրավիճակը տարածաշրջանում:

«Այսպիսով, Բաքվի տեսակետից բարենպաստ քաղաքական պահ էր ստեղծվել՝ Ռուսաստանի հետ փոխըմբռնման աստիճանը ստուգելու եւ իրավիճակը թափ տալու համար», - նշում է Բհալլան:

Անդրադառնալով ռուս-թուրքական հարաբերությունների վատթարացման պայմաններում ղարաբաղյան հակամարտության կարգավորման հեռանկարին՝ Քլարքի համալսարանի դասախոս, թուրք պատմագիր Թաներ Աքչամը նշում է, որ Թուրքիան հետաքրքրված է Ադրբեջանի նավթով եւ գազով, ինչի փոխարեն Ադրբեջանն իր պահանջներն է առաջ քաշելու:

«Համոզված եմ, նրանք փոխարենը պահանջելու են Թուրքիայից կրկնակի աջակցություն ղարաբաղյան հարցում», - ասում է Աքչամը:

Հիշեցնենք, որ ԱՄՆ-ի մի շարք կոնգրեսականներ կոչ են արել Պետքարտութարությանը աջակցել ղարաբաղյան հակամարտության շրջանում խաղաղությանն ու զինադադարի պահպանմանը:

Slaq.am - Լրատվական աղբյուր
 
Այս նյութը դիտել են - 2238 անգամ
Թողնել մեկնաբանություն
Բոլորը ›››
Facebook