USArmenianews.com
Լրատվական կայք՝ Լոս Անջելեսից
Չորեքշաբթի, 19 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Հայկ Մարությանը կդիմանա՞ գայթակղությանը
2024-01-31 09:20:00
Տպել Տպել

Հայկ Մարությանը՝ «Կարգին Հայկոն», հայտարարել է կուսակցություն ստեղծելու ցանկություն ունենալու մասին ու վստահություն հայտնել, որ Երևանի ավագանու ընտրությունների արդյունքներն իրեն թույլ են տալիս պնդել, որ իր մոտ դա կհաջողվի. հանրության շրջանում ունեն աջակիցների մեծ բանակ և մտադիր են նրանց հետ համագործակցությամբ կյանքի կոչել սեփական ծրագրերը:

Ընտրություններից հետո Մարությանն անցել էր մի տեսակ ընդհատակ: Հիմնականում չէր մասնակցում ավագանու նիստերին, քաղաքապետարանի շենք էր մտնում խիստ հազվադեպ, լրագրողների հետ էլ խուսափում էր երկար-բարակ զրուցելուց, ուստի միայն մնում էր կռահել, թե որն է նրա այսօրինակ պահվածքի պատճառը:
Պարզվում է՝ ստեղծվելիք կուսակցության գործերով է խառը եղել նախկին քաղաքապետը, որ չի դադարում հավատալ սեփական քաղաքական ապագային՝ անկախ նրանից, թե օբյեկտիվորեն որքան է իր շանսը, քանիսն են պատրաստ գնալ նրա հետևից:
Հայաստանում կուսակցությունների պակաս առանձնապես չի զգացվում: Բայց, ցավոք, փաստն այն է, որ որքան դրանց թիվն ավելանում է, այնքան վատանում է երկրի վիճակը, հանրության հիասթափությունն է՛լ ավելի է խորանում՝ ավիրելով քաղաքական դաշտը:
«Կարգին Հայկոյի» մասին մի ժամանակ ասում էին, թե որոշ ուժեր ցանկություն ունեն՝ նրան Նիկոլ Փաշինյանի քաղաքական ախոյան-այլընտրանք սարքելու: Կար կարծիք, որ եթե քաղաքապետի ընտրություններում Հայկոն հաղթի, ապա հաջորդ բարձունքը, որ նա ստիպված է լինելու նվաճել, վարչապետի աթոռը կլինի: Բայց քաղաքապետ դարձավ Տիգրան Ավինյանը, ու Մարությանի քաղաքական կարիերան կարծես սկսեց դոփել տեղում:Սակայն այն, որ նա ուզում է կուսակցություն ստեղծել, խոսում է այն մասին, որ որոշ ուժեր դեռ շարունակում են նրան հավատալ ու պլաններ կազմել նրա վերաբերյալ:
Լա՞վ է դա, թե՞ վատ:
Այս հարցին կպատասխանի ժամաակը, բայց մեծ է գայթակղությունը՝ կարծելու, որ Հայկոն, ինչպես և նրա ուղին բռնած շատերը, չի կարողանալու դիմանալ գայթակղությանը՝ առերևութաբար գուցե ընդդիմադիր, բայց կուլիսներում որպես իշխանության հենարան հանդես գալով:

Այս նյութը դիտել են - 509 անգամ
Թողնել մեկնաբանություն
2024-06-01 23:50:00 Կեղծ արցախասերը
Կեղծ արցախասերը
Բոլորը ›››
Ամենաընթերցվածները
Օրվա Շաբաթվա Ամսվա
Facebook