Արդեն պարզ են Հայաստանի նոր խայտառակության անունն ու գործելու պահը: «Ժողովուրդ» թերթը գրում է, թե երբ է Արա Աբրահամյանը հրավիրելու իր կողմից ստեղծվելիք նոր կուսակցության հիմնադիր համագումարը, որի անունը «Ազգային միասնություն» է:

 Պարբերականը նաև նշում է, թե ովքեր են լծված նոր կուսակցության ստեղծման աշխատանքներին: Դրանք են` Անդրանիկ Թևանյանը (7or.am-ի խմբագիրը), Երվանդ Բոզոյանն (zham.am-ի խմբագիրը) և ԱԺ ԲՀԿ խմբակցության պատգամավոր Վահե Հովհաննիսյանը (Ռոբերտ Քոչարյանի նախկին օգնականև, ԲՀԿ-ում նրա շահերի և սեփականատիրոջ իրավունքների պաշտպանը): Փաստորեն, Արա Աբրահամյանը Գագիկ Ծառուկյանից ժառանգել է մի թիմ, որը վերջինիս գրեթե կործանման հասցրեց: Հիմա սպասենք, թե այս հրաշալի թիմը երբ կկործանի ամենայն հայոց առաջնորդին:

Առայժմ «ստեղծագործական խումբը» պատրաստում է կուսակցության ստեղծման համար անհրաժեշտ փաստաթղթեր, տնտեսական ծրագիր է գրում: Նոյեմբերի 24-ին նրանք հանդիպել են Արա Աբրահամյանի հետ և բոլոր խնդիրների շուրջ համաձայնության եկել: Կարևորն այն է, որ փողային հարցերը հստակեցված են: Շատ շուտով կհրապարակեն ազգային փրկության նոր ծրագիր, Արա Աբրահամյանին կհռչակեն Բիձինա Իվանիշվիլի և մեզ բոլորիս կզզվեցնեն նրա անունը հիշատակելով:

Նյութի աղբյուրը՝ http://www.shame.am/news/view/61314.html