- 2021-02-18 10:07:00Ռոբերտ Քոչարյանի գրասենյակը հայտարարություն է տարածել
- 2021-02-18 09:24:00Տարոն Մարգարյանին, Արման Սահակյանին և այլ նախկին պաշտոնյաների մեղադրանք է առաջադրվել. ՔԿ
- 2021-02-17 22:22:00Հայր ու որդի թալանչի՞. ծխացող «բիչոկների» առեղծվածը
- 2021-02-15 23:17:00Վարազդատ Կարապետյանը դիմում է ներկայացրել Չինաստանում ՀՀ առևտրային ներկայացուցչի պաշտոնից ազատվելու համար
































«Սիրելի հայրենակիցներ Հայաստանում, Արցախում և Սփյուռքում,
Աշխարհասփյուռ հայությունը ներկայումս ապրում է մեր ազգի հազարամյա պատմության ամենաշրջադարձային պահերից մեկը։
Այն նպատակները, որոնց ազգովի ձգտում էինք մայր հայրենիքի բաղձալի անկախացումից հետո, սասանված են։
Մենք պարտվեցինք մեզ պարտադրված պատերազմում՝ ինչպես ռազմի դաշտում, այնպես էլ դիվանագիտական և միջազգային հանրային հարթակներում։
Կրկին ցավակցում եմ զոհվածների ընտանիքներին ու հարազատներին, իսկ վիրավորներին մաղթում եմ շուտափույթ ապաքինում:
Մենք զավակներն ենք Ցեղասպանությունը վերապրած և հաղթահարած ժողովրդի:
Կարելի է պարտվել ճակատամարտը, բայց անթույլատրելի է պարտվել որպես ազգ:
Սեփական ձեռքերով վառած տունը և կորցրած հայրենիքը կարելի է վերականգնել միայն մի ձևով՝ վերագտնելով մեր հաղթանակը և կառուցելով այն պետությունը, որով բոլորս իրապես հպարտ կլինենք:
Եվ մենք դա վստահաբար կարող ենք անել՝ սթափ գնահատելով իրավիճակը, դասեր քաղելով թույլ տրված սխալներից և համախմբված լծվելով ազգային վերածնունդին։
Ինչպիսին էլ լինեն անցյալի վերաբերյալ մեր գնահատականների տարբերությունները, ակնհայտ է, որ հայտնվել ենք աննախադեպ խնդիրների առջև:
Արցախը ծանր վիրավոր է:
Ունենք ալեկոծված հասարակություն:
Վիրավոր տնտեսությունը ծանրաբեռնված է սոցիալական վիթխարի խնդիրներով:
Արցախից Հայաստան տեղափոխվածների մեծ հոսքի արդյունքում առկա է մարդասիրական աղետ:
Չափազանց բարդ է նաև համաճարակով պայմանավորված իրավիճակը:
Ի վերջո, խոցված է հայի ոգին՝ աշխարհի ցանկացած անկյունում։
Մեր երկիրն այսօր այլևս այն երկիրը չէ, որն ունեինք սեպտեմբերի 26-ին, և նույնիսկ այն չէ, ինչ ունեինք նոյեմբերի 8-ին:
Մենք չենք կարող անտեսել այս իրականությունը և շարունակել ապրել սովորական կյանքով։
Վերջին մի քանի օրերի ընթացքում, պահի հրամայականին համահունչ, քաղաքական խորհրդակցություններ և մի քանի տասնյակ հանդիպումներ եմ անցկացրել խորհրդարանական և արտախորհրդարանական ուժերի, հասարակական տարբեր կազմակերպությունների ու անհատների հետ: Հեռախոսազրույցներ եմ ունեցել Սփյուռքի տարբեր կառույցների և մեր հայրենակիցների հետ:
Հանդիպման մասնակիցների բացարձակ մեծամասնությունը համակարծիք են մեկ հարցում՝ Սահմանադրությանը համապատասխան վարչապետի հրաժարական կամ պաշտոնավարման դադարեցում և արտահերթ խորհրդարանական ընտրություններ:
Ակնհայտ է, որ չնայած պատերազմի դադարեցմանը, Արցախի Հանրապետությունը, Հայաստանի Հանրապետությունը և ողջ հայ ժողովուրդը թևակոխում են նոր փորձությունների շրջան, որում յուրաքանչյուր սխալ կարող է աղետալի հետևանքներ ունենալ: Ստեղծված իրավիճակում հայ ժողովրդի համար այլընտրանք չկա, քան լինել միասնական և համախմբված:
Այս օրերին մեզանից յուրաքանչյուրը, հատկապես քաղաքական գործիչները և պետական պաշտոնյաները պետք է դրսևորեն բարձր պատասխանատվություն և զսպվածություն՝ ջանքերը կենտրոնացնելով բացառապես ստեղծված ճգնաժամը հաղթահարելու ուղիներ փնտրելու վրա:
Այս իրավիճակում ուզում եմ դիմել իրավապահ մարմիններին:
Դուք այսօր շատ մեծ պատասխանատվություն ունեք՝ նախ և առաջ մեր երկրում ապահովելու կարգուկանոն, լինել ամուր, վճռական, բայց, միևնույն ժամանակ, յուրաքանչյուր անգամ, յուրաքանչյուր առիթով հիշելով, որ ձեր դիմաց ձեր քույրն է կամ եղբայրը:
Որևէ շեղում, օրենքի և օրինականության որևէ խախտում, անընդունելի և աններելի է: Կոչ եմ անում ձեզ՝ պահպանել ու պաշտպանել օրենքը և օրինականությունը:
Հանդիպումների և խորհրդակցությունների արդյունքում ձևավորված իմ դիտարկումները հետևյալն են՝
Հաշվի առնելով ստեղծված իրավիճակը և այն արժանապատվորեն հաղթահարելու հրամայականը, ականջալուր լինելով հանրային պահանջին, ակնհայտ է, որ երկիրը ցնցումներից զերծ պահելու համար ի վերջո անխուսափելի են լինելու Ազգային ժողովի արտահերթ ընտրությունները:
Այս համատեքստում, իմ կարծիքով, միակ պատասխանատու մոտեցումը կարող է լինել կառավարության և իշխող քաղաքական ուժի կողմից սեփական ներուժի օբյեկտիվ գնահատելը և սեղմ ժամկետում ճանապարհային քարտեզ ներկայացնելը, որով կնախատեսվեն համապատասխան սահմանադրական գործընթացների նախաձեռնման ժամկետները, որոնց արդյունքում հնարավոր կդառնա իրականացնել Ազգային ժողովի արտահերթ ընտրություններ, իսկ մինչ այդ կառավարումը կհանձնվի բարձր որակավորում ունեցող Ազգային համաձայնության կառավարությանը:
Հայաստանի Հանրապետության, Արցախի Հանրապետության ու աշխարհի տարբեր երկրներում բնակվող ողջ հայ ժողովրդի համար այս դժվարին օրերին ճգնաժամը հաղթահարելուն ուղղված իմ վերոնշյալ դիտարկումները բխում են բացառապես համապետական և համազգային շահերից:
Հուսով եմ, որ քաղաքական բոլոր ուժերը կգիտակցեն պահի պատասխանատվությունը և արժանապատվորեն կիրականացնեն պատմական առաքելության իրենց մասը։
Ուզում եմ հիշեցնել, որ այսօր Հայաստանին հետևում են բոլորը՝ թե՛ մեր բարեկամները, և՛ թե մեր թշնամիները:
Մենք ուրիշ պարտականություն չունենք, բացի մեր երկիրը հզորացնելը:
Մենք ուրիշ ճանապարհ չունենք, բացի ժողովրդին համախմբելը՝ տուրք չտալով հասարակության պառակտման վտանգ պարունակող որևէ խոսքի և քայլի:
Միայն միասնականությամբ մենք կկարողանանք պարտության բեռի տակ ճկված վիճակից ուղղել մեր մեջքը, և թե՛ մեզ, թե՛ ապագա սերունդներին ու համաշխարհային հանրությանը ներկայանալ որպես զավակներն այն ժողովրդի, որին հաղթելն անհնարին է:
Վստահ եմ, որ հայ ժողովուրդը պատվով և հաղթական դուրս կգա ստեղծված դժվարին իրավիճակից:
Աստված պահապան բոլորիս»:

Զգուշացե՛ք «Լունա կահույք» և «Ավա մարկետ» անվանումներով էջերի օգտատիրոջ խարդախություններից

Տարոն Չախոյանը նշանակվել է վարչապետի աշխատակազմի ղեկավարի տեղակալ

Անհետ կորած զինծառայողի հորից խաբեությամբ պահանջել է խոշոր գումար․ ԱԱԾ (Տեսանյութ)

Կորել է երեխա.Ոստիկանությունը հաղորդագրություն է տարածել

ՀԱՂՈՐԴԱԳՐՈՒԹՅՈՒՆ (տեսանյութ)

Իրավաբանի մասնագիտությամբ ՀՀ առռղջապահության նախարար է նշանակվել

ԱՄՆ Կոնգրեսը հաստատեց Ջո Բայդենի հաղթանակը

ԱԿԱՆԻ ՊԱՅԹՅՈՒՆ՝ ՄԱՀՎԱՆ ԵԼՔՈՎ

Նախկին ոստիկանապետ Արման Սարգսյանը նշանակվել է ՀՀ պաշտպանության նախարարի տեղակալ

Թրամփը հրամայել է Ազգային գվարդիա ուղարկել Վաշինգտոն

Համաճարակային իրավիճակով պայմանավորված վարչապետը ինքնամեկուսացված է

Վարչապետն ընդունել է ՌԴ փոխվարչապետին. քննարկվել են հայ-ռուսական փոխգործակցության օրակարգը և Արցախում իրավիճակը

Արգիշտի Քյարամյանը նշանակվել է ՀՀ քննչական կոմիտեի նախագահի տեղակալ

ՀԱՂՈՐԴԱԳՐՈՒԹՅՈՒՆ.ՀՀ ԱԶԳԱՅԻՆ ԱՆՎՏԱՆԳՈՒԹՅԱՆ ԾԱՌԱՅՈՒԹՅՈՒՆ

ՀՀ ոստիկանապետ Վահե Ղազարյանը հանդես է եկել ուղերձով

ՊԱՐԶԱԲԱՆՈՒՄ

ՌՀՄ-ի և Համաշխարհային հայկական կոնգրեսի նախագահ Արա Աբրահամյանը նամակ է ուղարկել Վլադիմիր Պուտինին

Տիգրան Ավինյանի գրասենյակի աշխատակիցները կպարգևատրվեն

Արայիկ Հարությունյան. Արցախի ժողովրդի, իշխանությունների և անձամբ իմ անունից վշտակցում եմ Մանվել Գրիգորյանի ընտանիքին

ՊԲ հրապարակել է նահատակված 81 զինծառայողների անուններ

Ազգային ժողովի արտահերթ ընտրություններն անխուսափելի են լինելու. Արմեն Սարգսյանի ուղերձը. ՏԵՍԱՆՅՈՒԹ

Ն.Փաշինյան.Արցախից Հայաստանի Հանրապետություն տեղափոխված յուրաքանչյուր անձի կտրամադրվի 68000-ական դրամի չափով ֆինանսական աջակցություն

Փաշինյանն ըստ էության կոչ է անում դուրս գալ քաղաքացիական բախումների. ՄԻՊ

Վնգստացողների հարցեր լուծողը



