USArmenianews.com
Լրատվական կայք՝ Լոս Անջելեսից
Երեքշաբթի, 19 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am
Facebook twitter Youtube
Search
am en
Արխիվ
Օրվա Լուսանկար
ԼՈՍ ԱՆՋԵԼԵՍՈՒՄ ՀՀ ԳԼԽԱՎՈՐ ՀՅՈՒՊԱՏՈՍ, ԴԵՍՊԱՆ ԱՐՄԵՆ ԲԱՅԲՈՒՐԴՅԱՆԸ ՀՅՈՒՐԸՆԿԱԼԵՑ ՀԲԸՄ ԱՍՊԵՏՆԵՐԻՆ
2020-09-07 19:27:00
Տպել Տպել

ԳԼԵՆԴԵՅԼ- Սեպտեմբերի 3-ին ՀՀ գլխավոր հյուպատոս, դեսպան Արմեն Բայբուրդյանը հանդիպեց Հայկական բարեգործական ընդհանուր միության Ասպետների վարչության գործադիր մարմնի ներկայացուցիչներին։ ՀՀ գլխավոր հյուպատոսությունում կայացած հանդիպմանը ՀԲԸՄ Ասպետները Գլխավոր հյուպատոսին տեղեկացրեցին իրենց ընթացիկ գործունեության և իրականացվող բարեսիրական ծրագրերի մասին՝ Հայաստանի ամերիկյան համալսարանի միջոցով իրականացվող, լիբանանահայությանն օգնելու նպատակին ուղղված և այլն։

Դեսպան Բայբուրդյանը ներկայացրեց Հայաստանի առանցքային զարգացումները, հուլիսին Տավուշում տեղի ունեցած ադրբեջանական հարձակման և դրա հետևանքների մանրամասները, հայոց պետության պաշտպանունակության ամրապնդման հետևողական ջանքերը։ Անդրադարձ եղավ Բեյրութում օգոստոսին տեղի ունեցած ավերիչ պայթյունին և դրա ողբերգական հետևանքներին, լիբանանահայության ծայրահեղ ծանր վիճակին, հայրենադարձության հնարավորություններին, ինչպես նաև Լիբանանի հայ համայնքին աջակցելուն կոչված չափազանց հաջող հեռուստամարաթոնին, որը տեղի ունեցավ Լոս Անջելեսում օգոստոսի 30-ին, Արևմտյան Ամերիկայի համահայկական խորհրդի նախաձեռնությամբ։
Գլխավոր հյուպատոսը պատասխանեց մասնակիցների բազմաթիվ հարցերին, որոնք վերաբերում էին ՀՀ պետական կառավարմանը, կրթական ծրագրերի բարեփոխմանը և այլն։
Ջերմ մթնոլորտում կայացած հանդիպման ավարտին պայմանավորվածություն ձեռք բերվեց հանդիպումներին պարբերական բնույթ տալու մասին։
Լուսանկարում՝ ձախից աջ․ Լևոն Նազարեթյան (ՀԲԸՄ ասպետների գործադիր մարմնի քարտուղար), Զավեն Կյուշգերյան (գործադիր մարմնի գանձապահ), Տիրան Ջերեջյան (գործադիր մարմնի նախկին նախագահ), դեսպան Բայբուրդյան, Շահան Մինասյան (գործադիր մարմնի նախագահ), Կիրակոս Մինասյան (գործադիր մարմնի փոխնախագահ):

Այս նյութը դիտել են - 5211 անգամ
Թողնել մեկնաբանություն
Բոլորը ›››
Ամենաընթերցվածները
Օրվա Շաբաթվա Ամսվա
Facebook