USArmenianews.com
Լրատվական կայք՝ Լոս Անջելեսից
Ուրբաթ, 27 Նոյեմբերի 2020թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն
Facebook twitter Youtube
Search
am en
Արխիվ
Օրվա Լուսանկար
Պարզվել է, որ 62-ամյա կինը հանկարծամահ չի եղել. հարուցվել է քրեական գործ՝ սպանության հատկանիշներով
2020-07-17 10:31:00
Տպել Տպել

ՀՀ քննչական կոմիտեի Արարատի մարզային քննչական վարչության Վեդիի քննչական բաժնում քննություն է տարվում՝ Արարատ գյուղական համայնքի՝ 62-ամյա բնակչուհու սպանության դեպքի հանգամանքները պարզելու ուղղությամբ:
2020թ. հուլիսի 14-ին «Արարատ ԲԿ» ՓԲԸ-ից ահազանգ է ստացվել այն մասին, որ Արարատ գյուղական համայնքի 62-ամյա բնակչուհին հանկարծամահ է եղել:
Նախնական տվյալներով և կնոջ ազգականների հայտարարության համաձայն՝ վերջիններս, տեղեկանալով, որ նա չի պատասխանում հեռախոսազանգերին, գնացել են կնոջ տուն և նրան հայտնաբերել զուգարանում՝ մեջքի վրա պառկած վիճակում:
Դեպքի առթիվ նախապատրաստվել են նյութեր, վերցվել բացատրություններ, կատարվել է դեպքի վայրի զննություն:
Դատաբժշկական փորձագետի կողմից կատարված դիահերձման արդյունքում պարզվել է, որ կինը ոչ թե հանկարծամահ է եղել, այլ նրա մահը վրա է հասել պարանոցի և կրծքավանդակի օրգանների սեղմման պատճառով տեղի ունեցած շնչահեղձության հետևանքով: Բացի այդ, դիակի արտաքին զննությամբ մարմնի տարբեր հատվածներում հայտնաբերել են քերծվածքներ և արյունազեղումներ:
Նկատի ունենալով, որ նյութերում առկա են քրեական գործ հարուցելու օրինական հիմք և առիթ՝ ՀՀ քրեական օրենսգրքի 104-րդ հոդվածի (սպանություն) 1-ին մասով հարուցվել է քրեական գործ, որը նախաքննություն կատարելու համար ուղարկվել է ՀՀ քննչական կոմիտեի Արարատի մարզային քննչական վարչության Վեդիի քննչական բաժին և ընդունվել վարույթ: Քրեական գործի նախաքննությունը հանձնարարվել է քննչական խմբին:
Նախաքննության ընթացքում կատարվել են մի շարք քննչական գործողություններ, այդ թվում՝ դեպքի վայրի լրացուցիչ զննություն, հարցաքննվել են մի շարք անձինք:
Նախաքննությունը շարունակվում է:
Ձեռնարկվում են անհետաձգելի քննչական և այլ դատավարական գործողություններ և օպերատիվ-հետախուզական միջոցառումներ՝ դեպքի բոլոր հանգամանքները պարզելու ուղղությամբ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Այս նյութը դիտել են - 3339 անգամ
Թողնել մեկնաբանություն
2020-10-25 13:17:00 Նոր հրադադար
Նոր հրադադար
Բոլորը ›››
Հարցում

Ինչպե՞ս եք գնահատում ՀՀ Ոստիկանական համակարգի աշխատանքը

Նշեք 1 պատասխան:

  • Լավ (256-ձայն)
  • Վատ (170-ձայն)
  • Շատ Վատ (1204-ձայն)
Ajax Loader
Facebook