USArmenianews.com
Լրատվական կայք՝ Լոս Անջելեսից
Ուրբաթ, 06 Դեկտեմբերի 2019թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն
Facebook twitter Youtube
Search
am en
2019-12-04 20:06:00  Show must go on..... Show must go on..... ›››
Արխիվ
Օրվա Լուսանկար
Հարց. Պարոն Ծառուկյան, Ձեզ խնդրել և հորդորել են «Հայելու առաջ» հաղորդաշարը փակե՞լ. Զարուհի Փոստանջյան
2019-10-01 23:08:00
Տպել Տպել

Հարգելի պարոն Ծառուկյան,

Ձեզ պատկանող «Կենտրոն» հեռուստաընկերության եթերում արդեն մի քանի օր է չի հեռարձակվում լրագրող Անժելա Թովմասյանի «Հայելու առաջ» հեղինակային հաղորդաշարը։
Հանրային լայն շրջանակներում առաջացել է հարցապնդում, մասնավորապես՝ ինչո՞վ է պայմանավորված հաղորդման եթեր չհեռարձակվելը:
Ելնելով հանրային հետաքրքրությամբ պայմանավորված հարցի կարևորությունից՝ խնդրում եմ հայտնել.
Դուք, տիրապետելով ձեռնարկատիրական հմտություններին, ունենալով պարզ հաշվարկ, որ «Հայելու առաջ» հաղորդաշարը զգալի ազդեցություն ունի «Կենտրոն» հեռուստաընկերության վարկանիշի բարձացման տեսանկյունից՝ ճշտգրիտ նախատեսել եք, որ ինչ-ինչ քաղաքական նկատառումներից ելնելով, սույն հաղորդաշարը սեփական նախաձեռնությամբ փակելու դեպքում՝ ինչպիսի՞ն կլինեն դրա երկարաժամկետ հետևանքները ընկերության և հանրության վրա:
Եթե Ձեզ խնդրել և հորդորել են «Հայելու առաջ» հաղորդաշարը փակել, արդյո՞ք այս կապակցությամբ կրկին վերապրեցիք ավտորիտարիզմի ճնշումը:
Շուրջ երկու տասնամյակ զբաղվելով քաղաքական գործունեությամբ՝ անշուշտ քաջատեղյակ եք, որ հատկապես լարված քաղաքական շրջանում գործադիր իշխանությունը խոշորացույցի տակ է առնում քաղաքական հաղորդումները և տարբեր բնույթի ցուցումներ իջեցնում լրատվամիջոցներին։ Այս համատեքստում խնդրում եմ հայտնել, թե կարո՞ղ ենք արդյոք բացառել «Հայելու առաջ» հաղորդաշարի ժամանակավոր եթերազրկման փաստը՝ այն չպայմանավորելով վերոնշյալ արատավոր երևույթով և հաստատել, որ «Հայելու առաջ» հաղորդաշարը կշարունակի իր բնականոն աշխատանքը «Կենտրոն» հեռուստաընկերության եթերում:
Կարո՞ղ ենք արդյոք ձեռնոց նետել կառավարությանը` զգուշացնելով, որ Դուք հարգում և պաշտպանում եք խոսքի և լրագրության ազատությունը:
Այսօր, երբ հայ հասարակությունը կրկին գտնվում է շրջադարձային փուլում, խոսքի ազատության իրավունքի նկատմամբ հարգանքը և կառավարությունից տարբերվող կարծիքներ ներկայացնող քաղաքական հաղորդումները առավել պահանջված են։ Հետևաբար, արդյո՞ք պատրաստ եք սատարել ազատությունը, «որը առաջին հերթին իրավունք է մարդկանց ասել այն, ինչ նրանք չեն ցանկանում լսել»:
Հարգանոք`
Զարուհի Փոստանջյան
«Երկիր Ծիրանի» կուսակցության նախագահ

Այս նյութը դիտել են - 3300 անգամ
Թողնել մեկնաբանություն
Բոլորը ›››
Հարցում

Ինչպե՞ս եք գնահատում ՀՀ Ոստիկանական համակարգի աշխատանքը

Նշեք 1 պատասխան:

  • Լավ (234-ձայն)
  • Վատ (158-ձայն)
  • Շատ Վատ (1160-ձայն)
Ajax Loader
Facebook