USArmenianews.com
Լրատվական կայք՝ Լոս Անջելեսից
Հինգշաբթի, 28 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Արմեն Գևորգյանին սպառնում է մինչև 6 տարի ազատազրկում. ՀՔԾ պետ
2018-08-03 14:39:00
Տպել Տպել

Հանրային հեռուստատեսության եթերով օգոստոսի 3-ին ՀՔԾ պետ Սասուն Խաչատրյանը տեղեկացրել է, որ մեղադրանք է առաջադրվել 2008 թ․-ին ՀՀ նախագահ Ռոբերտ Քոչարյանի աշխատակազմի ղեկավար, նախկին փոխվարչապետ Արմեն Գևորգյանին։ Վերջինս մեղադրվում է 2008թ․-ին Սահմանադրական դատարանի դատավոր Վալերի Պողոսյանի վրա ճնշումներ բանեցնելու համար։

Նրա խոսքով՝ մեղադրանքն առաջադրվել է՝ հաշվի առնելով տարիներ առաջ «Վիքիլիքսի» հրապարակումը: «Համաձայն այդ հրապարակման՝ Սերժ Սարգսյանի հակառակորդները բողոքարկել էին ընտրության արդյունքները Սահմանադրական դատարանում: ՍԴ-ն պետք է որոշում կայացներ, և այդ ժամանակ ճնշում է գործադրվել ՍԴ դատավոր Վալերի Պողոսյանի նկատմամբ: Վերջինը դիմել էր ԱՄՆ դեսպանատան ներկայացուցիչներին ու հայտնել, որ Ռոբերտ Քոչարյանի աշխատակազմից իր վրա ճնշում են գործադրում իր եղբոր միջոցով, ով այդ ժամանակ աշխատում էր երկրորդ նախագահի աշխատակազմում: Քանի որ մենք այս բոլոր գործընթացները դիտարկում ենք ամբողջականության մեջ, այս ուղղությամբ ևս քննություն իրականացրեցինք, և վիքիլիքսյան հրապարակումն ամբողջությամբ հիմնավորվեց: Պարզվեց, որ Արմեն Գևորգյանը մեկ այլ պաշտոնյայի հետ փորձել է ճնշում գործադրել Վալերի Պողոսյանի վրա: Երևի թե ստացվել է, արդյունքի հասել են, որովհետև ի վերջո Վալերի Պողոսյանը չի մասնացել այդ գործով քվեարկությանը»,- գործի բնույթը ներկայացրել է Սասուն Խաչատրյանը:

«Արմեն Գևորգյանը մեղադրվում է արդարադատության իրականացմանը խոչընդոտելու համար քրեական պատասխանատվություն նախատեսող ՀՀ Քրեական օրենսգրքի 332 հոդվածի 3-րդ մասով, հանցանքը ծանր հանցանք է հանդիսանում և նախատեսում է մինչև 6 տարի ազատազրկում»,- մասնավորապես ասել է ՀՔԾ պետ Սասուն Խաչատրյանը։

Այլ նյութեր`  Արմեն Գևորգյանի մասին.

Արմեն Գեւորգյանի ընտանիքը Չեխիայում անշարժ գույքի բիզնեսով է զբաղվում

Այս նյութը դիտել են - 7163 անգամ
Թողնել մեկնաբանություն
Բոլորը ›››
Facebook