USArmenianews.com
Լրատվական կայք՝ Լոս Անջելեսից
Երկուշաբթի, 25 2018թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն
Facebook twitter Youtube
Search
am en
Արխիվ
Օրվա Լուսանկար
Դեսպան Չարչօղլյանն իր հավատարմագրերը հանձնեց Կիպրոսի նախագահին
2018-03-07 09:51:00
Տպել Տպել

Մարտի 6-ին Կիպրոսում ՀՀ դեսպան Ֆադեյ Չարչօղլյանը (նստավայրը՝ Աթենք) իր հավատարմագրերը հանձնեց երկրի նախագահ Նիկոս Անաստասիադիսին:

Հավատարմագրերի հանձնման հանդիսավոր արարողությանը հաջորդած առանձնազրույցի ընթացքում նախագահ Անաստասիադիսը, շնորհավորելով ՀՀ դեսպանին պաշտոնը ստանձնելու կապակցությամբ, հույս հայտնեց, որ վերջինս իր նշանակալի ավանդը կներդնի հայ-կիպրական եղբայրական հարաբերությունների էլ ավելի խորացման և ամրապնդման գործում՝ հավաստիացնելով, որ Կիպրոսի կառավարությունն առավելագույն աջակցություն կցուցաբերի նրան իր կարևոր և պատասխանատու առաքելության մեջ:
Նախագահ Անաստասիադիսը վերահաստատեց, որ Կիպրոսը Հայաստան-ԵՄ հարաբերությունների զարգացման ակտիվ ջատագովն է և հետամուտ է լինելու այդ համագործակցության հետագա ընդլայնմանն ու խորացմանը բոլոր ոլորտներում:
Անդրադառնալով Լեռնային Ղարաբաղի հիմնախնդրին՝ Կիպրոսի նախագահը նշեց, որ իրենք ուշադրությամբ հետևում են զարգացումներին և գնահատում են հայկական կողմի ջանքերը տարածաշրջանում խաղաղություն և կայունություն հաստատելու ուղղությամբ՝ հավելելով, որ հիմնախնդրի խաղաղ կարգավորումն այլընտրանք չունի: Նախագահ Անաստասիադիսը հայտնեց նաև, որ իրենք լիովին աջակցում են ուժի չկիրառմամբ և երկխոսության միջոցով հիմնախնդրի բացառապես խաղաղ կարգավորման ուղղությամբ ԵԱՀԿ Մինսկի խմբի համանախագահների ջանքերին:
Ամփոփելով խոսքը՝ Կիպրոսի նախագահն իր ջերմ ողջույններն ու բարեմաղթանքները հղեց ՀՀ նախագահ Սերժ Սարգսյանին և բարեկամ հայ ժողովրդին:
Շնորհակալություն հայտնելով ջերմ ընդունելության և բարեմաղթանքների համար՝ դեսպան Չարչօղլյանն ընդգծեց, որ իր առաքելության ընթացքում առավելագույն ջանքեր կներդնի երկու բարեկամ երկրների հարաբերություններին նոր լիցք հաղորդելու և երկու եղբայրական ժողովուրդների համագործակցությունն էլ ավելի ամրապնդելու համար:
Դեսպան Չարչօղլյանը նախագահ Անաստասիադիսին փոխանցեց նաև ՀՀ նախագահ Սերժ Սարգսյանի շնորհավորանքներն ու ջերմ բարեմաղթանքները Կիպրոսի նախագահի բարձր և պատասխանատու պաշտոնում վերընտրվելու կապակցությամբ:
Զրուցակիցները համակարծիք էին, որ հայ-կիպրական բարեկամական հարաբերությունների ամրապնդման գործում մեծ է հայ համայնքի առկայությունը Կիպրոսում, որն ամբողջության և ներդաշնակորեն ինտեգրվել է երկրի քաղաքական, տնտեսական և մշակութային կյանքին:
Տեղի ունեցավ մտքերի փոխանակում տարածաշրջանային և միջազգային օրակարգի հարցերի շուրջ:
Նախագահ Անաստասիադիսն անդրադարձավ կիպրական հիմնախնդրին՝ ներկայացնելով Կիպրոսի և միջազգային հանրության ջանքերը՝ խնդիրը միջազգային և ԵՄ իրավունքի շրջանակներում համապարփակ կարգավորելու և հյուսիսային Կիպրոսի օկուպացիան վերացնելու ուղղությամբ:
Իր հերթին, դեսպան Չարչօղլյանը նախագահ Անաստասիադիսն մանրամասն ներկայացրեց Լեռնային Ղարաբաղի հիմնախնդիրի շուրջ վերջին զարգացումները, Հայաստանի և ԵԱՀԿ Մինսկի խմբի համանախագահ երկրների համատեղ ջանքերը՝ հիմնախնդրի խաղաղ կարգավորման գործընթացի առաջմղման ուղղությամբ:

Այս նյութը դիտել են - 5099 անգամ
Թողնել մեկնաբանություն
Բոլորը ›››
Հարցում

Ինչպե՞ս եք գնահատում ՀՀ Ոստիկանական համակարգի աշխատանքը

Նշեք 1 պատասխան:

  • Լավ (147-ձայն)
  • Վատ (113-ձայն)
  • Շատ Վատ (1037-ձայն)
Ajax Loader
Ամենաընթերցվածները
Օրվա Շաբաթվա Ամսվա
Facebook