USArmenianews.com
Լրատվական կայք՝ Լոս Անջելեսից
Հինգշաբթի, 28 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Ոստիկանները կարող են ծափահարել Նիկոլ Փաշինյանին. ինչի՞ն են պատրաստվում իշխանությունները
2023-04-12 18:42:00
Տպել Տպել


Նորաստեղծ ՆԳՆ փոխնախարար Արփինե Սարգսյանը ԱԺ-ում ներկայացրել է համապատասխան նախաձեռնություն՝ է՛լ ավելի բարեկեցիկ դարձնելու հայրենի ոստիկանների կենցաղը:

Ոստիկանությունում ատեստավորման համակարգի ներդրման ջատագով փոխնախարարի խոսքերից միակ բանը, որ պարզ է դարձել, այն է, որ համակարգի ներդրման նպատակը ոստիկաններին զգալի հավելավճարներով ապահովելն է:Ատեստավորում անցած ոստիկանները ստանալու են շատ բարձր հավելավճարներ՝ շարունակելու մնալ համակարգում:
Ի դեպ՝ փոխնախարարը ևս մեկ անգամ պարզաբանել է այն հարցը, թե Հայաստանի նման փոքր երկրում քանի՞ ոստիկան է հաշվվում. 17000 ոստիկան ունենք: Ընդ որում՝ պարզվում է, որ ատեստացիան անցկացվելու է փակ, գաղտնի ռեժիմում:
Թե ինչ է իրենից ներկայացնելու «ատեստացիա» կոչվածը, ոչ մեկին դեռևս պարզ չէ: Մտահոգիչ է հատկապես դրա բնույթը՝ փակ: Ինչո՞ւ փակ, կամ արդյոք նման ռեժիմով ատեստավորման անցկացումը չի՞ ծնի կոռուպցիոն ռիսկեր, եթե հատկապես հաշվի ենք առնում նույն ՔՊ-ականների ինքնախոստովանությունն այն մասին, որ Հայաստանում կոռուպցիան բավական բարձր մակարդակի է հասնում, իսկ ինչպես հայտնի է, ուժայինները մեզանում միշտ եղել ու մնում են կոռուպցիոն բարձր ռիսկայնության տիրույթում:
Ոստիկանությունն առանցքային դերակատարություն ունի Հայաստանում քաղաքական իշխանությունների անձեռնմխելիության երաշխավորման հարցում: Հենց ոստիկանական մահակների ուժով է, որ Նիկոլ Փաշինյանը ցայսօր շարունակում է հանդիսանալ ՀՀ վարչապետ՝ չնայած այն փաստին, որ հանրային հենարան նա, ըստ էության, չունի է՛լ:
Սա նշանակում է, որ ուզած-չուզած իշխանությունները պետք է հագուրդ տան ոստիկանների ախորժակին՝ անկախ նրանից, թե Հայաստանին պե՞տք է 17000 կերած-խմած ոստիկան, թե՞ ոչ, կամ առհասարակ ի՞նչ օգուտ ազգին նրանցից:
Ոստիկաններին կրկին բտելու իշխանությունների այս մոլուցքը կարող է պայմանավարված լինել ապագայում անցանկալի վտանգների անխուսափելիությամբ: Հնարավոր է՝ իշխանությունները նպատակ ունեն Սյունիքը պատերազմով հանձնելուց հետո էլ մնալ իշխանության:
Համենայն դեպս՝ եթե բանը հասնի դրան ու իսկապես Սյունիքն էլ արժանանա Արցախի ճակատագրին, դժվար թե Նիկոլ Փաշինյանը, դրդված, ասենք, խղճի խայթոցներից, կամովին հրաժարական տա: Խնդիր է դրված ամեն գնով խեղդել բողոքի ձայնը ու հենց այդ խնդրի լուծմանն է միտված ոստիկաններին պարգևախեղդ անելը:

Այս նյութը դիտել են - 1013 անգամ
Թողնել մեկնաբանություն
2024-03-05 01:16:00  «Փակ» հանդիպում
«Փակ» հանդիպում
Բոլորը ›››
Facebook