USArmenianews.com
Լրատվական կայք՝ Լոս Անջելեսից
Ուրբաթ, 07 Հոկտեմբերի 2022թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am
Facebook twitter Youtube
Search
am en
Արխիվ
Օրվա Լուսանկար
Սուրեն Պապիկյանի «փափուկ բարձը»
2022-07-06 15:25:00
Տպել Տպել

Պատասխանելով երկուշաբթի օրը Խաչիկ գյուղի ուղղությամբ երկու ժամ տևած ադրբեջանական զինուժի կրակոցներին առնչվող հարցին՝ Սուրեն Պապիկյանը հայտարարել է, թե հարկ չկա կրակոցները դարձնել մեծ խնդիր. դրանք պատերազմի վերսկսման նախանշաններ չեն և հաճախ են հնչում:
Ադրբեջանն ակնհայտորեն կոշտացրել է իր հռետորաբանությունը. ամենաբարձր մակարդակով շարունակում են հնչել սպառնալիքներ, «Զանգեզուրի միջանցքի» անխուսափելիության մասին հայտարարություններ՝ համեմված պատերազմական հռետորաբանությամբ:
Գումարած այս ամենին՝ գրեթե ամեն օր հայկական ՊՆ-ն ստիպված է լինում հերքել ադրբեջանական ՊՆ-ի՝ հայկական ագրեսիայի մասին կեղծ հայտարարությորնները, ինչը նշանակում է, որ Բաքուն սկսել է ավելի ակտիվորեն բզբզալ՝ լեգիտիմ հիմքեր գտնելու ռազմական գործողություններ հրահրելու համար:
Ի դեպ՝ այս մասին իր ասուլիսում խոսել էր նաև վարչապետ Փաշինյանը՝ նախազգուշացնելով պատերազմի վտանգի մասին:
Որտեղի՞ց է գալիս Սուրեն Պապիկյանի վստահությունը, թե դիցուք Խաչիկի ուղղությամբ հնչած կրակոցներն անհանգստացնող չեն կամ պատերազմի նախերգանք չեն: Կարո՞ղ է կրկնվել 44-օրյա պատերազմի պատմությունը, երբ մինչև վերջին օրը ՀՀ իշխանությունները հերքում էին պատերազմի հավանականությունը՝ դրա բռնկումից առնվազը մի քանի օր առաջ հաստատ իմանալով՝ պատերազմ է լինելու:
Այսինքն՝ ժողովրդի «գլխի տակ փափուկ բարձ էին դնում» պատերազմից առաջ ու դրա ընթացքում, իսկ հետո պարզվեց, որ ոչ միայն պատերազմ եղավ, այլև դրա արդյունքը հայրենիքի կորուստը դարձավ՝ արծրունհովհաննիսյանական մարազմի ներքո:
Փաստն այն է, որ հետպատերազմյան փուլում բանակի իրական վերականգնման, վերազինման համար արվել են չափազանց նվազ քայլեր: Եթե այսօր Ադրբեջանը հարձակվի, հեշտությամբ կարող է ճեղքել հայկական պաշտպանությունը հատկապես այն դեպքում, եթե ՀՀ-ին օգնության չշտապի ՀԱՊԿ-ը: Բայց իրավիճակի ողջ ողբերկանությունն էլ նրանում է, որ նույնիսկ վստահություն չկա՝ իշխանությունների՝ ՀԱՊԿ-ին դիմելու պատրաստակամության հարցում:
Մնում է հուսալ, որ աշխարհաքաղաքական իրավիճակը տարածաշրջանում կդասավորվի այնպես, որ պատերազմն ուղղակի անհնար կլինի, հակառակ պարագայում դժվար թե հնարավոր լինի հույս դնել Սուրեն Պապիկյանի վրա:

Այս նյութը դիտել են - 1131 անգամ
Թողնել մեկնաբանություն
Բոլորը ›››
Ամենաընթերցվածները
Օրվա Շաբաթվա Ամսվա
Facebook