USArmenianews.com
Լրատվական կայք՝ Լոս Անջելեսից
Երեքշաբթի, 28 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Ազգային ժողովի աշխատակազմի ղեկավար Հրայր Թովմասյանը դեռ սեփական եկեղեցի չի կառուցել, սակայն նրա հոգեկերտվածքում կատարված լուրջ փոփոխությունները հանգեցնում են այն ենթադրությանը, որ այդ օրը հեռու չէ...
2016-01-08 11:31:00
Տպել Տպել

Արդարադատության նախկին նախարար, այժմ Ազգային ժողովի աշխատակազմի ղեկավար Հրայր Թովմասյանը դեռ սեփական եկեղեցի չի կառուցել, սակայն նրա հոգեկերտվածքում կատարված լուրջ փոփոխությունները հանգեցնում են այն ենթադրությանը, որ այդ օրը հեռու չէ: Բանն այն է, որ Թովմասյանը դարձել է լուրջ հավատացյալ ու բարեպաշտ քրիստոնյա: Եվ ամանորի տոներից հետո իր ծանրաբեռնված օրգանիզմը աշխատավայր հասցնելուն պես նա որոշել է տարվա առաջին աշխատանքային օրը սկսել աղոթքով:

Թե ինչպես է Հրայր Թովմասյանը խորհրդարանում ծնկի եկել, աչքերը կկոցել ու մրմնջացել իր խոսքն առ աստված, դա ոչ ոք չի տեսել: Փոխարենը լուսաբացի արարողությունն ավարտելուց հետո նա շտապել է այդ մասին գրառում կատարել իր ֆեյսբուքյան էջում, ուր ասվում է. «Մեր պաղատանքը բարձրացնենք և աղոթենք մեր երկրի անսասանության, մեր եկեղեցու զորացման ու վերազարթոնքի, մեր ժողովրդի խաղաղության, սիրո համար, որպեսզի Աստվածային սերը, եղբայրական միաբանությունը թևածի մեր սրտերում»:

Այնուհետև մոլեռանդ էստազի մեջ հայտնված Թովմասյանը վերհիշել է Սուրբ Գրիգոր Տաթևացու մտքերն այն մասին, որ Աստված սիրում է և միաբանություն է ուզում, չի ուզում, որ իր ծառաները, իր Քրիստոնյա զավակները անմիաբան լինեն, ուզում է, որ ամեն տեղ տիրոջ սերը, խաղաղությունը, միաբանությունը լինի: «Մարդիկ նախ սրտով, հոգով Աստծո ողորմությամբ միաբան ու սիրով լինեն, այնուհետև կառուցեն ու շենացնեն իրենց երկիրն իրենց հայրենին, չարը ուզում է անմիաբանություն, ասում է Գրիգոր Տաթևացին, ուզում է մարդկանց խափանել, անմիաբան դարձնել, հեռացնել իրարից, Աստված ուզում է ժողովել, չարը ուզում է ցրել: Աղոթենք, որպեսզի Աստված մեր երկիրը, մեր հայրենին, մեր ժողովրդին միաբան, քրիստոնեական սիրով աստվածային սուրբ խորհրդի շուրջ միաբանի»:

Իհարկե, Թովմասյանը ոչինչ չի գրում այն մասին, թե չար ասելով որ ուժերին նկատի ունի և որն է բարին, ինչպես նաև որևէ խոսքով չի հստակեցնում, թե ինչպես կարելի է հասնել միաբանության, եթե շրջապատում ամեն ինչ միտված է երկպառակության խորացմանը: Փոխարենը հստակեցվում է մեկ այլ կարևոր բան: Փաստորեն Թովմասյանն էլ է հասկանում, որ այս երկրում այլևս ոչ մի բանի վրա հույս դնել չի կարելի: Մնացել է միայն Աստծուց փրկություն ակնկալել:

 

Shame.am

Այս նյութը դիտել են - 1389 անգամ
Թողնել մեկնաբանություն
Բոլորը ›››
Facebook