Մեր տեղեկություններով, իշխանությունը որպես այս օրերին ստեղծված իրա­վիճակից դուրս գալու ելք` քննարկում են նաեւ կառա­վարության հրաժարակա­նի հարցը, թեեւ «Սասնա ծռեր» խմբի անդամները Սերժ Սարգսյանի հրաժա­րականն են պահանջում:

Ինչպես հայտնի է, ժիրայր Սեֆիլյանի, ապստամբնե­րի եւ իշխանությունների միջեւ բանակցությունների ըն­թացքում ինչ-որ երրորդ տարբերակի մասին հայտարարություն եղավ: Չի բացառվում, որ կողմերը համա­ձայնության գան ու բավարարվեն կառավարության, նաեւ որոշ ուժային կառույցների ղեկավարների օրի­նակ, ոստիկանապետ Վլադիմիր Գասպարյանի հրա­ժարականներով:

Իսկ Սերժ Սարգսյանը բարեփոխումների մասին նոր խոստում տա: Ի դեպ, քանի որ ապստամբներն ու Սեֆիլյանը դժգոհություն ունեն նաեւ ԼՂՀ վերջին զարգացումների հարցում, չի բացառվում, որ այս դեպքում էլ Սարգսյանը պարզապես խոստում տա, թե տարածքների վերադարձի հարց չի քննարկվելու այդպիսով բանակցություններում լուծելով խնդիրը, թե այդ հարցում ներսում իր վրա ճնշում կա: