«Երեկ էլ ենք զոհ ունեցել, Ադրբեջանում անհաշիվ գերիներ ունենք ու խոսում ենք խաղաղության պայմանագրի մասին։ Այս ամենը իմ համար շատ դաժան է ու իրականության հետ չեմ հաշտվում։ Խաղաղություն բառը կեղծ բառ է։ Ի՞նչ խաղաղության մասին է խոսքը»,- անդրադառնալով վարչապետ Նիկոլ Փաշինյանի այսօր արված հայտարարությանը, ըստ որի խաղաղության պայմանագիր լինելու է, ասաց «Ֆիդայիներ» կառույցի նախագահ, 44-օրյա պատերազմում «Դժողքի ձոր»-ի փոխհրամանատար Սեյրան Չիլինգարյանը։ Ասում է՝ խաղաղությունը պարտադրում են, իսկ մեր պարագայում դա այդպես չէ։ «Մենք թուրքի հետ չենք կարող խաղաղ լինել, որովհետև պետքա ուժեղ լինենք, որ կարողանանք ամրագրել մեր խաղաղությունը։ Եկել են Ջերմուկի վրա, նստել են, Վարդենիսի վրա նստել են, Սիսիանի վրա նստել են։ Գանձակով, Նախիջևանով, Շահումյանով սեփականացրել են ու հիմա մենք խաղաղության պայմանագիր ենք ստորագրո՞ւմ։ Տենց էր՝ 3 տարի առաջ պայմանագիրը կանեյին»,- բարկանում է Սեյրան Չիլինգարյանը։ Նշենք, որ կառավարության այսօրվա նիստում Նիկոլ Փաշինյանը հանդես է եկել հայտարարությամբ, որտեղ մասնավորապես ասել է․ «Խաղաղության պայմանագիր լինելու է և լինելու է մինչ օրս բարձրագույն մակարդակներում ձեռք բերված գրավոր փաստաթղթերի հիման վրա»։
Մանրամասները՝ տեսանյութում։