Դեռևս հստակ և միարժեք պարզ չէ, թե երբ, ինչպես, ով, ինչու նախապատրաստեց և իրականացրեց այս ամենը, բայց երկու դրական արդյունք արդեն հստակ կարելի է նշել:

Արդեն աներկբա է, որ իրականում սա չէր այս ամբողջ գործընթացի գաղափարախոսների, մտահղացողների, ծրագրավորողների, կազմակերպիչների, իսկ առավել ևս` դրանց բոլորի ձեռքում գործիք դարձած խամաճիկ և անտաղանդ «ծաղրածուների», իսկ ավելի ճիշտ` խեղկատակների նպատակը և ցանկալի արդյունքը: Ծաղրածուն չակերտների մեջ է վերցված, որպեսզի չվիրավորվեն իսկական կրկեսի ծաղրածու մասնագիտության նվիրյալները:
Ակնհայտ է նաև մեկ այլ բան` այս ամենին խոչընդոտելն ու հակազդելը, դիմադրելն ու մերժելը մեր ազգի, ժողովրդի մոտ հիմնավոր, խորը արմատացած և ազգային պահպանողական արժեքների նկատմամբ սպառնալիքին դիմակայելու բնատուր և գենետիկ խորը թաքնված, բայց հավաքական շատ հզոր իմունիտետն է:
Հնարավոր է, որ այս գործընթացը ծրագրավորողների կողմից վերջինիս գոյությունը կամ թերարժևորվել էր, կամ կասկածի տակ էր առնվել, կամ էլ հաշվի էր առնվել, բայց այդ դեպքում էլ` գերարժևորվել էր իրենց կողմից կիրառվող տեխնոլոգիաների հզորությունն ու ամենակարողությունը: Հավանաբար՝ հաշվի էին առնվել նախորդ փորձերը` այլ ազգերի և ժողովուրդների վրա:
Եվ այսպես, հենց վերը նշված իմունիտետի շնորհիվ.
1. բացահայտվեցին մեր հասարակության համարյա բոլոր թաքնված «հիվանդություններն» ու դրանց նկատմամբ դիմադրողականության աստիճանը;
2. ջրի երես դուրս եկան, ակնհայտ դարձան և բացահայտվեցին Հայաստանում վաղուց արմատներ գցած, երկար տարիներ գործող և լուրջ ֆինանսական աջակցություն ստացող համարյա բոլոր` հայրենադավ, ազգադավ, հակահայ, հակապետական, այսինքն` Հայաստանի ազգային անվտանգությանը լուրջ սպառնալիք ներկայացնող ուժերը, դրանց շահերին ծառայող կազմակերպություններն ու անհատները, նաև` դրանց գործիքակազմն ու համարյա ամբողջ զինանոցը:
Այսինքն` բացահայտվեց համարյա ամբողջ կեղտը: Մնում է այդ կեղտը մաքրել և դուրս նետել մեր միջից:
Ջիանի Օնչո