Արդեն մի քանի օր է, ինչ Երևանում բավական թեժ քննարկումների առարկա է դարձել Հայաստանում գործողություն ծավալող հասարակական կազմակերպություններից մեկի նախաձեռնությամբ օրեր առաջ տեղադրված գովազդային պաստառների թեման:
Դրանք մարդասիրության քողի ներքո համասեռամոլություն քարոզող պաստառներ էին, որոնք քաղաքապետարանը կարճ ժամանակ անց հեռացրել էր:
Նշենք,որ պաստառներից մեկում երկու նույնասեռական տղամարդ կերպարանավորող տղամարդկանց գրակախառնության նկար էր ` « Դու ուզու՞մ ես , որ բոլորը երջանիկ լինեն , ուրեմն մաղթիր մեզ երջանկություն » գրառմամբ:
Մյուսում` տարբեր մասնագիտություններ ունեցող մարդկանց կոլաժ էր ու գրված է . « Դուք հանդիպում եք նրանց ամեն օր »:
Եվ երրորդում պատկերված էին երեք ձեռքեր `վրան գրված` « Տրանս անձինք մեր հասարակության մասն են »:
Թե հատկապես ինչ նպատակով է այս ամենն արվում, թե հատկապես ինչու են ոմանք փորձում արհեստական օրակարգ ստեղծել Հայաստանում, միգուցե շատերի համար այնքան էլ կարող է հասկանալի չլինել:
Վերջիվերջո Հայաստանը բնավ այն երկրների շարքին չի պատկանում, ուր համասեռամոլների քանակն այնքան շատ է,որ մարդու զարմանք կարող է առաջանալ, թե այդ ինչպես պատահեց, որ ընդամենը մի քանի տասնամյակում նման մարդկանց թիվը գրեթե հարյուրապատկվեց:
Մեզ մոտ կարելի է ասել նման խնդիր առհասարակ չկա,ու ոչ ոք իրականում համասեռամոլներին սիբիրներ չի քշում: Հետևաբար արհեստական օրակարգերի առաջ քաշումն իրականում շատ ավելի խորքային նպատակներ պետք է ունենա,մանավանդ երբ հաշվի ես առնում այն բարդագույն վիճակը,որում այժմ Հայաստանը գտնվում է:
Իսկ համասեռամոլության թեման «ռասկրուտկա» անելու պատճառ կարող է լինել հասարակական պառակտում առաջ բերելը, իշխանությունների վրա ճնշման հավելյալ գործիք ձեռք բերելն ու Եվրոպան Հայաստանին բացառապես գենդերային փիլիսոփայության տեսանկյունից մատուցելու ոմանց ձգտումները:
Իրականում սա մանրամասն պլանավորված ու լավ ծրագրված խժդժություն է,որի նպատակը ոչ այնքան հասարակության ավանդական հիմքերը քայքայելն է,որքան ԼԳԲՏ թեման միանգամայն այլ,հնարավոր է նաև քաղաքական կոնտեքստում շահարկելը:
Թե իրականում որ ուժերին կարող է ձեռնտու լինել այս ամենը,միգուցե խոսակցության միանգամայն այլ թեմա է,բայց որ շահարգիռներն այնքան էլ քիչ չեն ու բավական հզոր են, անկասկած է:
Կարծում ենք` հավելյալ անգամ բացատրել, թե ինչ է իրենից ներկայացնում համասեռամոլոթյունն ու ինչպիսի ծայրահեղ անցանկալի հետևանքներով կարող է այն լեցուն լինել հատկապես Հայաստանի պես երկրների համար, առանձնապես իմաստ չունի. դա շատ լավ բոլորն էլ հասկանում են:
Միայն երևի թե տեղի ունեցածը մեզ` հայերիս,պետք է ավելի զգոն ու սթափ պահի` կուլ չգնալու ժամանակ քամիներին ու է՛լ ավելի մեծ նախանձախնդրությամբ պահպանելու այն արժեքները,որոնք ազգի ու պետության հիմքն են կազմում:
Ալեքսանդր Գրիգորյան