Ժամանակին ՀՀ առաջին նախագահ Լեւոն Տեր-Պետրոսյանը, երբ կազմալուծեց Հայոց համազգային շարժումը՝ՀՀՇ-ն, բացատրեց, որ այն Վանո Սիրադեղյանից հետո դարձել է գեղի կլուբ, ուստի` անհրաժեշտ է ՀՀՇ-ի պիտակից ազատվել, քանզի մարդկանց մոտ ալերգիա է առաջացնում:
Սակայն 2013 թվականին ՀՀՇ-ականներ Ալեքսանդր Արզումանյանը, Արարատ Զուրաբյանը, Հովհաննես Իգիթյանը եւ Կարապետ Ռուբինյանը ՀՀՇ-ի բրենդը վերականգնեցին` հայտարարելով ՀՀՇ-ի վերածնունդը: ՀՀՇ հիմնադրումից 25 տարի անց, երբ արդեն ՀՀՇ-ն որպես կուսակցություն գոյություն չուներ և տարրալուծվել էր առաջին նախագահի ստեղծած ՀԱԿ կուսակցության մեջ, ՀՀՇ-ի ստեղծման ակունքներում կանգնած վերը նշված մարդիկ սկսեցին գործընթացը, կարծեոլ, որ չպետք է թույլ տալ որ ՀՀՇ-ի գաղափարախոսությունը կորչի, իրեննք ոչպես ՀՀՇ-ի գաղափարախոսության հետնորդն ու շարունակողը դա թույլ չեմ տա:
Ավելին, այս մարդիկ խոստացան, որ ՀՀՇ-ն շարունակելու է պայքարել «Հայաստանում իշխող բռնապետական ռեժիմի դեմ և ձգտելու է երկիրը տանել դեպի սահմանադրական կարգ»:
Բայց արի ու տես, որ ՀՀՇ-ում ոչ միայն հետամուտ չեղան սեփական խոստումին, այլ վերածնունդին հաջորդեց մեռելոցը: ՀՀՇ-ականները այս ողջ ընթացում մտածել են սեփական կաշին փրկելու մասին ու գործել են այդ տարածքում, որն անվտանգ է եղել՝ այդ ճանապարհին կորցնելով արմատական կուսակիցներին:
Երեկ կուսակցությունը որոշել է խորհրդարանական ընտրություններին մասնակցել «Ծառուկյան դաշինք»-ի կազմում։ Ռեյտինգային ընտրակարգով Երևանի կենտրոնում կառաջադրվի ՀՀՇ նախագահ Արարատ Զուրաբյանը։
ՀՀՇ վարչության փակ նիստին միայն Ալեքսանդր Արզումանյանը չի մասնակցել։
Նա, հիշեցնենք, հայտարարել է, թե չի ցանկանում մասնակցել ընտրություններին, նաև կարծիք էր հայտնել, որ դաշինք կարելի է կազմել միայն գաղափարական ընդհանուր հենքի վրա:
Հնարավոր է Արզումանյանը հեռանա ՀՀՇ-ից, բայց հաստատ ընդդիմադիր դաշտում նա չի հանգրվանի: Ալեքսանդր Արզումանյանը պատգամավորության չորս տարիների ընթացքում խորհրդարանում հարմար տեղավորվել է, իշխանության հետ ջան-ջիգյար հարաբերություններ հաստատել ու ըստ տեղեկությունների՝ նա լուծել է իր քաղաքական տեղի հարցը: Մոտ ապագայում նա աշխատանքի կանցնի դիվանագիտական կորպուսում, որեւէ երկրում դեսպան կնշանակվի:
Իսկ Կարապետ Ռուբինյանը երկու տարի առաջ հեռացավ ՀՀՇ-ից, քանի որ վերջինս սահմանադրական բարեփոխումներին ընդառաջ հյուրընկալեց Բաղրամյան 26-ում, ձեռքսեղմումի աջակցությամբ ողջունեց այդ փոփոխությունները, որոնք Սերժ Սարգսյանի իշխանության վերարտադրությանն նպատակով էին:
Ի դեպ, նախագահականի հյուրերի շարքում էր նաեւ Ալիկ Արզումանյանը:
Հովհաննես Իգիթյանն էլ աշխատանքի բերումով տարված հիմնական մասը լինում է արտերկրում եւ առանձնապես ներգրավված չէ հայաստանյան քաղաքական կյանքին:
Այնպես որ Արարատ Զուրաբյանը «սամ սեբե ռեժիսոր»հավանության է արժանացրել իր իսկ սցենարը:
Ինչ արդյունավետություն կունենա Զուրաբյանի ներկայությունը Ծառուկյան դաշինքում, դժվար է ասել: Ճիշտ է, Արարատ Զուրաբյանը բոլոր ժամանակներում հանդես է եկել գաղափարական դիրքերից ու անդավաճան է մնացել իր սկզբունքներին, սակայն նա չունի առաջվա ազդեցությունը, նրա նկատմամբ, ինչ խոսք. տարբեր շրջանակներում դեռեւս համակրանք կա, բայց չկա նախկին հզոր ազդեցությունը:
Զուրաբյանի աստեղային ժամը 90-ականներին էր, երբ 1996-ին ընտրվեց Երևանի Կենտրոն համայնքի թաղապետ: Մինչև 1999 թիվը նրա լայնածավալ բիզնեսի հիմնադրման ու կայացման տարիներ էին, երբ Զուրաբյանի թուրը Վանո Սիրադեղյանի հովանավորչության շնորհիվ կտրում էր աջուձախ:
Թե ինչ կարող է հիմա անել Զուրաբյանը, ցույց կտան ընտրությունները:
Անի Սահակյան

hayeli.am