USArmenianews.com
Լրատվական կայք՝ Լոս Անջելեսից
Շաբաթ, 20 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Ո՞վ է կանգնած վրաերթ կատարած Կարեն Ավագյանի թիկունքին...
2015-12-23 12:08:00
Տպել Տպել

Օգոստոսի 23-ին 28-ամյա Էդգար Սնղչյանը Սևանից Երևան վերադառնալիս է եղել, երբ Գագիկ Ծառուկյանի տան և բենզալցակայանի դիմաց մեքենայի անիվը վնասվել է, և նա ստիպված է եղել կանգ առնել, իջնել մեքենայից ու կարգավորել խնդիրը։

Ժամը 23-ի սահմաններում, Էդգարի պնդմամբ, ՀՀԿ խմբակցության պատգամավոր Կարեն Ավագյանը, հարբած վարելով մեքենան և վերադառնալով «Բազե» համահայկական երիտասարդական հավաքի փակման արարողությունից, վերջինիս վրաերթի է ենթարկել, այնուհետև մեղքը բարդել եղբոր՝ Արթուր Ավագյանի վրա:

Էդգարի խոսքով՝ ակնհայտ է, որ մեքենայի ղեկին Արթուր Ավագյանը չի եղել, քանի որ նախաքննական ցուցմունքում գրել է, թե վրաերթից հետո երիտասարդին տեսել է մեքենայի կողքին, սակայն իրականում Էդգար Սնղչյանն ընկել է մեքենայից 35 մետր հեռավորության վրա։

Վթարի հետևանքով Էդգար Սնղչյանը 15 օր գտնվել է անգիտակից վիճակում։ Նրա խոսքով՝ իրեն առաջարկվել է ընդամենը մեկ միլիոն դրամ, ինչն իր ծախսերի նույնիսկ երեք քառորդին չի կարող բավականացնել։ Վրաերթի հետևանքով լյարդը մի քանի տեղից պատռվել է, ունի ողնաշարի ծռություն, աչքի շլություն, կրծքավանդակի կոտրվածք։

Էդգարը դիմել է նաև Հայաստանի գլխավոր դատախազին, Երևանի դատախազին, անգամ հանրապետության նախագահին, սակայն բոլոր դիմումներն անպատասխան են մնացել:

Երիտասարդը պնդում է, որ քննիչներն իր փոխարեն ցուցմունք և ստորագրություն են դրել՝ փաստելով, իբր, ինքն իրեն վթարի ենթարկողից ոչ մի պահանջ չունի։ Նրա հավաստմամբ, սակայն, ստորագրությունը կեղծված է։

Այժմ Էդգար Սնղչյանը պատրաստվում է դիմել դեսպանատներին և մարդու իրավունքների պաշտպանին։

Աղբյուրը՝ 1in.am

Այս նյութը դիտել են - 1713 անգամ
Թողնել մեկնաբանություն
Բոլորը ›››
Ամենաընթերցվածները
Օրվա Շաբաթվա Ամսվա
Facebook