Իշխանության առաջ կքած դավադիրները հաթաթա են տալիս մարդկանց, թե սուս մնացեք, ով էլ, որ ընբոստանում է, փորձում են հեռացնել ճանապարհից, թողնելով մարդուն անտեր ու անօգնական... Հոգեառները վտարել են հային, թողել քուչեքն ու իրենք իրենցով երկրին տեր են կանգնել, հետն էլ, մյուսներին հորդորում են, թե մենք գիտենք մեր անելիքը, մինչդեռ այդպես էլ չտեսանք, թե որն էր դրանց արածն ու հայանպաստ գործը, որ այդպես հպարտորեն, գլուխները կախելու փոխարեն խոսում են մարդու մասին, մարդուց հեռացնելով հոգևորն ու ամենակարևորը՝ միտքը...
Երկիրը փայ-փայ են արել, հիմա էլ մի բուռ երկրում հային կիսել են մեջտեղից ու թողել, որ տանջամահ լինի: Մի կողմից Շարմազանով Էդիկը, մյուս կողմից Եսայան Մարգարիտը ու այդպես իշխանավորները, ովքեր Ազգային ժողովում մեր ճակատագրերի տերն են դարձել ու մեր փոխարեն որոշումներ են կայացնում, որոշել են հիմա էլ հային պիտակավորել... ղարաբաղցուն անջատելով հայաստանցուց, դուրս են տալիս, թե ղարաբաղցու հարցերը ղարաբաղցին կլուծի, իսկ հայստանցին, թող իր տեղում մնա, քթները չխոթեն ղարաբաղցիների հարցերի մեջ...

Լսում ես սրանց ու սարսափում, լավ, եթե դուք հային անջատել եք իրարից ու ղարաաբաղցի ու հայստանցի եք կարգել, ապա, հայաստանցին ինչ գործ ուներ ղարաբաղյան պատերազմի հետ... Չէ, ամենայն լրջությամբ ուզում եմ այս հարցը տալ այս երկու «սրտացավ» հանրապետականներին, ովքեր առանց հասկանալու որոշել են հային փայ-փայ անեել: Եվ մի բան էլ, ով է ասել, որ սրանց նմանները պետք է դուրս տան ու անցնի գնա: Լավ պատասխան չունե՞ն տալու, թե՞ ՀՀԿ-ին հատուկ է այս մտածողությունն ու խառնակչությունը...

Երկիրը դատարկել եք, մարդուն անտերության մեջ, անտարբերության մեջ թողել ու դուրս եք տալիս, թե ձեզ թվում է իշխանությունը չկորցնելու համար իշխանության մեջ անընդհատ մնալու եք ձեր տեղում ու շորորաք ձեր «փայլուն մտքերով»:

Արթուր Հայրապետյան