Տխրահռչակ-հանրաճանաչ պատգամավոր-դրուժիննիկ Տիգրան Ուրիխանյանը հայտարարում է.
ՈՒՇԱԴՐՈՒԹՅՈՒՆ
Երեքշաբթի օրը՝ մայիսի 17-ին, ԱԺ-ում հայտարարությունների ժամին «Ալյանս» կուսակցության նախագահ, պատգամավոր Տ.Ուրիխանյանը հանդես կգա բացահայտող հայտարարությամբ «Անալիտիկ»-ի և դրա հետ կապակցված այլ կայքերի հանցավոր խմբի, դրանց հովանավորների վերաբերյալ:
Հայտարարությունը կհնչի ԱԺ կանոնակարգ օրենքի համապատասխան՝ ժամը 17:00-ից սկսած:
Հ.Գ. Պայքարելու ենք մինչև վերջ անկախ պատվիրատուների ու հանցագործների ազդեցությունից ու դիրքից, որոնց համար չկա ոչ օրենքի զգացում, ոչ բարոյականություն և ոչ էլ ազգային արժամապատվություն: Պատիժը անխուսափելի է լինելու:

ԱԺ պատգամավոր Տ.Ուրիխանյանի գրասենյակ:

Հզոր, տիեզերական-մոգական ուժ ունեցող այս հայտարարությունը հուշում է, որ 2016թ. մայիսի 17-ը կմտնի հայ ժողովրդի պատմության մեջ: Իրավամբ, այդ օրը մեր ժառանգները օրենսդրորեն կճանաչեն որպես ոչ աշխատանքային օր, որի հաջորդ օրը, կրկին օրենսդրորեն հիմնավորված, կլինի մեռելոցը:

Եվ այսպես տարեցտարի նույն օրը, նույն ժամին հայերը կնստեն առատ սեղանների շուրջ և կհիշեն, թե ինչպես 2016թ. մայիսի 17-ին հանրաճանաչ պատգամավոր, միաժամանակ հզոր դրուժիննիկ Տիգրան Ուրիխանյանը փրկեց մեր Հայրենիքը: Իսկ մեզ՝ պատմական խոշոր իրադարձության համեստ ականատեսներիս, մնում է այդ օրը ուղիղ ժամը 17.00-ին գամվել հեռուստաէկրաններին և վայելել գերագույն հաճույք:

Հիշեցնենք, որ աշխարհի փրկիչ, պատգամավոր-դրուժիննիկը 2016թ. մայիսի 3-ին բռնել տվեց analitik.am կայքի խմբագիր և տնօրեն Անի Հովհաննիսյանին` մի հիանալի և հրապուրիճ հայ աղջկա, որի արտաքին և ներքին գեղեցկությունը պետք էր վայելել, այլ ոչ թե բանտ ուղարկել…

shame.am