USArmenianews.com
Լրատվական կայք՝ Լոս Անջելեսից
Շաբաթ, 20 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Փարիզում 196 երկրներից ժամանած պատվիրակները կնքեցին կարևոր մի համաձայնագիր
2015-12-14 08:02:00
Տպել Տպել

Փարիզում 196 երկրներից ժամանած պատվիրակները շաբաթ օրը կնքեցին երկրագնդի ջերմացման արագությունը նվազեցնելու մասին կարեւոր մի համաձայնագիր: Այս համաձայնագիրն առաջինն է, որն աշխարհի բոլոր երկրներին հորդորում է սահմանափակել ջերմոցային գազերի արտանետումները:

Վերջնական համաձայնագիրը կնքելու մասին հայտարարությունը Փարիզի վեհաժողովների սրահներում ընդունվեց ուրախ բացականչություններով, գրկախառնություններով ու երկարատեւ ծափահարություններով:

Համաձայանգրի նախագիծը, մինչեւ դրա ընդունումը, մոտ յոթ ժամ դրվել էր քննարկումների շրջանառության մեջ, որի ընթացքում 42 էջանոց նախագիծը վերածվեց 31 էջանոց համաձայնագրի:

Համաձայնագրի նպատակն է ջերմացման մակարդակը պահպանել մինչեւ երկու աստիճանը, ջերմացման դեմ պայքարի շրջանակներում 1ՕՕ միլիարդ դոլարի ներդրումներ կատարել աղքատ երկրներում, առաջընթացը ստուգել ու վերանայել յուրաքանչյում 5 տարին մեկ անգամ, ու ածխածնային արտանետումները կրճատել հնարավորինս կարճ ժամկետներում:

Ելույթ ունենալով Սպիտակ տնից` ԱՄՆ-ի նախագահ Բարաք Օբաման այս համաձայնագիրն անվանեց “մեր մոլորակը ներկայիս նման պահպանելու ամենալավ հնարավորություն”:

Նրա խոսքերով, “այս պահը կարող է դառնալ աշխարհի համար շրջադարձային մի կետ: Մենք բոլորս միասին ցույց տվեցինք, որ աշխարհն ունի այս մարտահրավերը հաղթահարելու ե′ւ կամք ե′ւ կարողություններ”:

Ինչպես ՄԱԿ-ի գլխավոր քարտուղար Բան Կի-մունը հայտարարեց, “Պատմությունը հիշելու է այս օրը: Կլիմայական փոփոխություններին նվիրված Փարիզյան համաձայնագիրը սքանչելի հաջողություն է մեր մոլորակի ու նրա մարդկության համար”, հայտարարեց նա:

Իսկ բանակցությունների ընթացքը նախագահող, Ֆրանսիայի արտգործնախարար Լորեն Ֆաբիուսը, կնքված փաստաթուղթը պատմական շրջադարձ անվանելով` ասաց, թե “համաձայնագիրը 7 մլրդ. 3ՕՕ միլիոն մարդու փրկելու է համաշխարհային ամենաավերիչ ջերմացումից”:

Այս նյութը դիտել են - 1680 անգամ
Թողնել մեկնաբանություն
Բոլորը ›››
Ամենաընթերցվածները
Օրվա Շաբաթվա Ամսվա
Facebook