1in.am լրատվական կայքը հրապարակել էր մի տեսանյութ, որում մասնավորապես նշել էր. «Ուկրաինայի նախագահ Պետրո Պորոշենկոն՝ ապրիլի 6-ին, Ադրբեջանի նախագահ Իլհամ Ալիևի հետ հեռախոսազրույցում վերահաստատել էր Կիևի պաշտոնական դիրքորոշումը՝ միջազգայնորեն ճանաչված սահմաններում Ադրբեջանի ինքնիշխանության և տարածքային ամողջականությունը սատարելու վերաբերյալ»:

Տեսանյութում հնչեցրած կարծիքի  համաձայն Ուկրաինայում ՀՀ արտակարգ և լիազոր դեսպան Անդրանիկ Մանուկյանի կողմից գեթ մեկ հանդիպում, միջոցառում, անհանգստություն կամ անգամ մտահոգություն չի հայտնել:  

Թեմայի վերաբերյալ Shabat.am-ը փորձեց մեկնաբանություն ստանալ Ուկրաինայում ՀՀ արտակարգ և լիազոր դեսպան Անդրանիկ Մանուկյանից. «Շատ հարգելով  մամուլի և լրագրողների, մասնավորապես  Ձեր աշխատանքը, առայժմ չեմ ցանկանում մեկնաբանել այդ  անհեթեթությունները: Միայն մեկ նախադասությամբ կարող եմ նշել,  որ այդ հաղորդման մեջ նշված մեղադրանքներն իրակության հետ որևէ աղերս չունեն, կատարվել է հսկայածավալ աշխատանք:

Ես կցանկանայի մի հարց հնչեցնել, որն իսկապես բազմաթիվ հարցերի տեղիք է տալիս՝ ինչպե՞ս եղավ, որ միաժամանակ ադրբեջանական մամուլը հարձակումներ սկսեց Ուկրաինայի հայ համայնքի ղեկավար  Վիլեն Շատվորյանի և ՆԳ նախարար Արսեն Ավակովի, իսկ Հայաստանում  Ձեր նշած լրատվամիջոցը՝   Ուկրաինայում ՀՀ դեսպանի վրա:

 Այն ժամանակ, երբ կպարզաբանվեն այս հարցերը, խոստանում եմ հստակ պատասխան տալ հնչեցրած մեղադրանքներին: Այժմ խնդրում եմ բավարարվեք այսքանով»,- եզրափակեց դեսպանը:

P.S.  Քանի  որ ադրբեջանական և թուրքական համայնքները միասին  վերցրած չեն կարողանցել  դիմակայել (իմիջիայլոց այս մասին գրել են ադրբեջանական haqqin.az և vesti.az կայքերը) ՀՀ դեսպանի և Ուկրաինայի hայկական համայնքի ղեկավար Վիլեն Շատվորյանի կատարած աշխատանքներին, այդ պատճառով էլ փորձում են վարկաբել նրանց: 

 shabat.am