Չէ պարոնայք, չեղավ... ողջ աշխարհով մեկ ցաքուցրիվ եղած հարյուրավոր աղքատ հայեր, ովքեր, ի՞նչ գիտեք, ի՞նչ կյանքով են ապրում…

Արթուր Աղաբեկյանը ռուսաստաբնակ հայերին ասում է՝ փող ուղարկեք Արցախի համար, մի հատ էլ ունքերը կիտում է, որ փող չեն ուղարկում: Ո՞վ այսքանից հետո դեռ կարող է մեկին ասել՝ փող տուր:

Չեմ մեղադրում և ոչ մեկին, պարզապես նրա համար, որ մարդկանց իրենց հայրենիքից քշել են, գցել դռնեդուռ մի կտոր հացի համար ու հիմա, թե փող ուղարկեք:

Փող ուղարկողը պետք է Սերժ Սարգսյանը լինի ու իր շուրջինները, ովքեր թալանել են մեր երկիրը: Նայեք, թե մեր փոքրիկ երկրում քանի-քանի միլիարդատեր կա: Ու՞մ հաշվին են միլիարդատեր դարձել դրանք: Հալալ քրտինքով ե՞ն միլիարդատեր դարձել, ո՛չ... Նույն այն մարդկանցից են գողացել ու հարստացել, ովքեր այսօր մեր երկրից հեռացել են ու չեն ուզում տուն վերադառնալ:

Ազգիս ուղեղը դրսերում է, օտարը գրկաբաց ընդունել է մեր ազգի ուղեղներին, իսկ մերոնք դավադրաբար քշել են մեր երկրից ուղեղը, որ իրենք իրենցով, անգրագետ, անթասիբ, գողերով ու ավազակներով ղեկավարեն, ապրեն ու հարստանան իերն ապահով տարածքներում:

Մեր փոքրիկ երկրում, որտեղի՞ց այդքան ահռելու գումարներ, որտեղի՞ց այդքան միլիոններ, որ նույնիսկ նախարար կոչվածը կարող է տարածքներ ուենա՝ դղյակներ տարբեր երկրներում, միլիարդավոր կարողություններ դիզած լինի աշխարհի տարբեր բանկերում: Ոչ պարոնայք, հայերի վրա ձեր մուննաթը չբանեցնեք, մուննաթ եկեք ձեր տերերի վրա, ովքեր մեր հայրենակիցներին դռնեդուռ են գցել... Մեզնից գողացած, մեր հաշվին հարստացած հաստավզերի բանկային հաշիվները պետք է փոխանեցել մեր Հայոց բանակին, եթե ոչ, ուրեմն պետք է սառեցնել դրանց հաշիվները...

Գիշեր ու զօր փառք տվեք մեր տղերքին, ովքեր ձեր ու ձեր լակոտների փոխարեն պաշտպանում են մեր Հայրենիքը, ոչ թե, որ դուք Հայրենիք ունեք, այլ նրա համար, որ Հայրենիքը ձերը չէ: Դուք չեք սիրում մեր Հայրենիքը, դուք մեր Հայրենիքը ծախել եք... ծախում եք...

Այսօր ուրախանում ենք, որ Արցախում ադրբեջանական ուղղաթիռ և տանկ խոցած երեք զինծառայողներ պարգևատրվեցին մեքենաներով: Եվ... Անկեղծ ձեր ոգևորությունը չեմ հասկանում... Իշխանությունը գոնե այնպես անի, որ իր քաղաքացին իր երկրում իրեն մարդ զգա, արժեք, կարողանա գնահատել ուղեղը, ամեն բան անում է հակառակը, կործանում է մարդուն, քշել է տալիս մարդկանց իրենց բնօրրանից, հիմա մեքենա են նվիրում մեր հերոս տղաներին ու մի հատ էլ ուրախությունից ոմանց ուշքը գնում է, թե տեսեք, տեսեք ինչ է անում իշխանությունը...

Հը... զոհված մեր տղաների ընտանիքներում այսօր սուգ է, որ մեկի ընտանիքն է ապահով ապրում. ոչ մեկի... Ու դուք հիմա եկել, ինչ եք ասում, ասում եք ինչու փող չեն ուղարկում մեր դրսի ապրողները:

Սուտ եք, էժան եք, մարդ չեք...

Լրագրող՝ Արթուր Հայրապետյան