Ամենագլխավոր ու ազգակործան հայկական մոլորությունն է. աշխարհաքաղաքացիություն, պանդխտություն, անձնական շահի համար տարաբնույթ խարդախություններ, որով անարգվում է հայ ազգի անունը, շահասիրական ազգասիրություն (կեղծ ազգասիրություն), հայ մեծավորների դեմ ըմբոստություն (դավաճանություն, մատնություն):
Երբ հայերը ազատվեն օտարի լծից, իսկ առանց դրա, մինչև իրենց բնաջնջվելը, մնալու են արհամարված, ատելի, անվանարկված, հալածված ու գարշելի արարածներ օտարի աչքում, ավելի ստոր, քան թե փարիսեցիները: Ինձ ամենից քիչ հետաքրքրել է, թե որ պատգամավորը ուր գնաց, ինչ կերավ, ինչպես ապրեց, բայց այն ինչ վերաբերում է Հայոց բանակին ինձ չի կարող չհետաքրքրել, ավելին, չեմ կարող անտարբեր լինել:

Դուք ձեր շքեղության մեջ, ինչպես եք կարողանում բերաններդ բացել, ինչպես է կուլ գնում հացը: Էլ չեմ ասում, ինչպես եք ձեր դղյակներում, փափուկ անկողնում փռվում՝ հանգստանում...
Այս օրերին հրապարակվում է օլիգարխների կողմից գռփած, մեր հաշվին հարստացած չինովնիկների շքեղ դղյակներն ու կարողությունները:

Մի նախարար, ով միլիարդներ է տակը շինել, հետո, թե փող չկա բանակի համար, չեք ամաչում, բա դուք գետինը չեք մտնում, ի՞նչ եք տանելու... ուտել էլ կա ուտել եք, դուք լափել եք Հայի ստեղծածն ու նրան անարգել:

Ուստի բոլոր նրանց, ովքեր միլիարդներ են դիզել տակները ու դա հասատատ իրենց հալալ քրտինքով չեն ստեղծել, մինչև վերջին կոպեկը պետք է փոխանցել Հայոց բանակին. մեր բանակի սպառազինությանը։ Եկեք թանկ չվճարենք մեր անտարբերության համար...

Լրագրող` Արթուր Հայրապետյան