Օրեր առաջ մարտական դիրքն ահեղ կռիվ է տվել ադրբեջանցիների դեմ։ Հակառակորդին չի օգնել անգամ մեծաքանակ ռազմական տեխնիկան։ Մենք ապացուցեցինք, որ մենք անհաղթ ենք, ինչքան էլ, որ թշնամին կռիվ է տալիս տարածքային խնդիրների լուծման համար, մինչդեռ մենք գործ ունենք հայրենիքի հետ: Մեր պայքարը մեր հաղթանակները ի շահ մեր պետության և մեր հայրենիքի համար է եղել:

Մենք ապացուցեցինք, որ մենք, բոլոր ռեսուրսները ունենք մեր հայրենիքը պաշտպանելու համար: Ադրբեջանը այսօր ծիծաղելի վիճաակում է հայտնվել: Ինչքան էլ, որ Ադրբեջանի զինվելը աննպատակ չէր: Բայց այս դեպքում պարտության ենթարկվեց, որովհետև մեր տղաները իրենց պատրաստվածության շնորհիվ ապացուցեցին, որ մենք մեր հայրենիքի համար կանգնած ենք այն պաշտպանելու:

Հայաստանի Հանրապետության միակ ռազմավարական ընկերն ու բարեկամը՝ Հայ զինվորն է...
Մեր դիվանագիտական սխալների, թերացոումների պատճառով է, որ շատ հաճախ հայտնվում ենք մառախուղի մեջ: Երբ պետությունը չունի հստակ դիվանագիտություն և արտաքին քաղաքական ստրատեգիա, խնդիրն սկսում է լուծել սահմանին կանգնած զինվորը՝ իր կյանքի և արյան գնով; Մեր դիվանագիտական կորպուսը թույլ է և դա է պատճառը, որ մեր դիվանագետները իրենց հարստություններն ու գիտելիքները ուղղել են սեփական միջողցները ծաղկեցնելու, բայց ոչ դիվանագիտական հարաբերություններում հաղթելու: Սերժ Սարգսյանը՝ Մերկելի կողքը կանգնած, բարձրաձայն հայտարարեց, որ 80- ական թթ.- ի զենքով ենք մենք կռվում: Դա ոչ թե արդարացրեց նրան, այլ նրա հայտարարությունը մի բան է փաստում, ինչու... այն միլիարդները, որը զենքերի, զինտեխնիկայի վրա պետք է ծախսվեին, չեն ծախսվել, որովհետև ոմանք այդ գումարների հաշվին հարստացել են...
ԵԱՀԿ ՄԽ միջնորդությունը արդյունավետ չէ, բայց Ադրբեջանն է ցանկություն հայտնել հրաժարվել նրանից, հայկական կողմերը՝ ոչ։

ՄԽ համանախագահ Ռուսաստանը, և ՄԽ անդամներ Թուրքիան ու Բելառուսը ռազմական աջակցություն են տրամադրում Ադրբեջանին։ Ադրբեջաանն էլ իր ողջ կարողությունները օգտագործում է մեր դեմ.. Դա էլ մեր կողմից սխալ դիվանագիտական քայլերի արդյունքն է, որովհետև մենք որոշեցինք միանալ ԵՏՄ-ին առանց հաշիվ տալու, թե ինչ է նախ ԵՏՄ մեզ տալու:

Միլիոններ դիզելու, թալանելու փոխարեն լավ կլինի, որ իշխանությունները այսուհետ հասկանան, որ պետք է իշխանության մեջ, օրենսդիր մարմիններում լինեն պետականամետ մտածելակերպ, տնտեսապես ուժեղ պետություն և ոչ թե պետության ներսում թալանել, սեփական շահը առավել համարելով թալանել մեր երկիրը: Մեմնք դեռ պետք է ասենք, որ պետք է հաստատվի խիստ օրենքի իշխանություն, ապահովվի ազգային պետության կայացման բոլոր փուլերը՝ մինչեւ որ առանց թռիչքների ու կրկնօրինակության, էվոլյուցիոն ճանապարհով հասնի այն կետին, որն արդեն կհամընկնի դեմոկրատական աշխարհի չափանիշներին։

Այստեղ պետք է նաև հիշենք, թե ինչպես են ադրբեջանական տարբեր թեևերի ներկայացուցիչներ արտահայտվել ապրիլի սկզբին տեղի ունցած պատերազմական իրավիճակին. Ադրբեջանի ընդդիմադիր ազգային ճակատ կուսակցության ղեկավարը հանդես է եկել հայտարարությամբ ընդդեմ ալիևի և նրա վարչակարգի: Նա շատ խիստ դատապարտել է ադրբեջանական իշխանություններին. եթե դուք ասում էիք, որ մեր բանակը հզոր է, ապա ինչու այս իրավիճակում չկարողացաք լուրջ քայլեր անել: Եթե չեք կարող Ղարաբաղի հարցը լուծել, ապա մի խաբեք ժողովրդին ու վեր ընկեք ձեր տեղը... աշխարհը լուրջ չի վերաբերվի ձեզ... եթե իրերը սև գույնով եք տեսնում, պատճառն այն է, որ դրանք ծանրութեթև եք անում մթության մեջ...

Ես միայն մի միտք եմ խորությամբ ընկալել՝ այն, որ մարդու արած ամեն ինչն ի վերջո իր դեմ է դուրս գալիս: Ավելի կեղծ դիրքորոշում չկա, քան պայքարել, հասկանալ և շարունակել ողջ մնալ...
Իսկ գերմանական հեռուստատեսությունը Ալիեւին անվանեց «բռնակալ» եւ համեմատեց Էրդողանի հետ: Այս ամենը ապացուցում է մի բան, որ մենք պետք է ուժեղացնենք մեր դիվանագիտական կորպուսները, այլապես առանց դիվանագիտության մենք անըդհատ բախվելու ենք շատ ցավոտ խնդիրների, երբեմն ոչ լիարժեքորեն դուրս գալու այդ ճահճից:
Մենք այս պատերազմում հաղթեցինք մեր հայ զինվորների արյան ու ըմբոստության շնորհիվ: 

Հայրենիքը մենք ենք ու մենք ենք մեր խաղաղ կյանքի համար պատրաստ կռվելու:

Արթուր Հայրապետյան