USArmenianews.com
Լրատվական կայք՝ Լոս Անջելեսից
Ուրբաթ, 29 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Առաջին անգամ Երևանի երաժշտական դպրոցի սաները կմեկնեն հյուրախաղերի և կներկայացնեն «Անուշ» օպերան
2016-04-01 22:33:00
Տպել Տպել

Երևանի քաղաքապետի տեղակալ Արամ Սուքիասյանը քաղաքապետարանում հյուրընկալել է քաղաքապետարանի ենթակայության Արմեն Տիգրանյանի անվան երաժշտական դպրոցի Շաքե Ասչյանի վոկալի դասարանի սաներին, ովքեր մեկամսյա հյուրախաղերով մեկնելու են Ամերիկայի Միացյալ Նահանգներ: Այս մասին հայտնում են Երևանի քաղաքապետարանի լրատվական ծառայությունից։

2015 թվականին դպրոցի հիմնադրման 65-ամյակին նվիրված միջոցառումների շարքում դպրոցի սաների մասնակցությամբ բեմադրվում է Տիգրանյանի «Անուշ» օպերան: Ամերիկաբնակ Սիլվա և Կարո Կավուկչյանները, համացանցում տեսնելով օպերայի տեսագրությունը, ոգևորվում են և 2015-ի նոյեմբերին Երևան այցի ընթացքում հյուրընկալվում դպրոցում, ներկա լինում Ցեղասպանության 100-ամյա տարելիցի միջոցառումներից մեկի ժամանակ բեմադրված «Պատարագ առ Կոմիտաս» համերգ-ներկայացմանը:
Այնուհետ նրանք որոշում են, որ պատանիների ելույթը պետք է դիտի նաև ամերիկահայ հանդիսատեսը: Ավելի ուշ դպրոցի սաները Հայ Առաքելական եկեղեցու ԱՄՆ Արևմտյան թեմի առաջնորդ Տեր Հովնան արքեպիսկոպոս Տերտերյանի կողմից պաշտոնական հրավեր են ստանում:

Դպրոցի սաները ԱՄՆ-ի Գլենդել քաղաքի հեղինակավոր «Ալեքս» թատրոնում հանդես կգան երկու բեմադրությունով:

Շնորհավորելով և հաջող ելույթներ մաղթելով երեխաներին՝ Արամ Սուքիասյանն ընդգծել է, որ Երևանի երաժշտական դպրոցների պատմության մեջ սա առաջին հյուրախաղն է: «Անչափ ուրախ եմ մեր սաների հաջողության համար: Դպրոցի ջանքերը գնահատվեցին նաև հանրապետությունից դուրս մեր հայրենակիցների կողմից: Առհասարակ, նման հրավեր ստանալն ու հյուրախաղերով հանդես գալը մեծ հաջողություն է: Վստահ եմ, որ Երևանը կներկայացնեք լավագույնս և տպավորություններով լի կվերադառնաք՝ արդեն նոր բեմադրությունների մտահղացումները կյանքի կոչելու հաստատակամությամբ»,-նշել է քաղաքապետի տեղակալը:

Արմեն Տիգրանյանի անվան երաժշտական դպրոցի տնօրեն Անահիտ Գևորգյանը նշել է, որ հաջողությունում մեծ է նաև հատկապես վերջին տարիներին Երևանի քաղաքապետարանի կողմից դպրոցում իրականացված ծրագրերի դերը: «Ամբողջությամբ վերանորոգված նոր դահլիճն արդեն տրամադրող էր՝ միջոցառումների ցանկը նոր ու հետաքրքիր ներկայացումներով համալրելու առումով:

Երկու բեմադրությունները, որոնք մեզ հաջողություն բերեցին, դպրոցի երաժշտական մասի ղեկավար, կոնցերտմայստեր Քնարիկ Վարդանյանի, «Արտիստ» թատերական ստուդիայի ղեկավար Արթուր Բաբայանի և ներկայացումների բեմադրիչ, գեղարվեստական ղեկավար Գոշ Սարգսյանի ջանքերով էին, որոնց շնորհիվ էլ այս ամենն իրականություն դարձավ»,- նշել է Անահիտ Գևորգյանը:

Այս նյութը դիտել են - 5540 անգամ
Թողնել մեկնաբանություն
Բոլորը ›››
Facebook