Հարգելի ընկերներ` այսօրվանից մեկնարկել է Հրազդանի քաղաքապետի ընտրությունների նախընտրական քարոզարշավը, որի համար շնորհավորում եմ բոլորիս, հատկապե՛ս մեր սիրելի Հրազդան քաղաքի բնակչությանը` որոնց համար աննախադեպ առիթ է ընձեռվել ընտրելու և նորովի կերտելու իրենց քաղաքի բարեկեցությունը և զարգացումը, իրենց երեխաների ապագան և ի վերջո նոր շունչ մտցնել իրենց ապրելավայրում և ապրելակերպում...

Հրազդան քաղաքը ցավո՛ք սրտի մինչ այժմ հետընթաց է ապրել, ունեցել է և ունի բազում խնդիրներ, իսկ ներկայիս շունչը ստիպել է Հրազդանում գրանցել արտագաղթի ցուցանիշ, գործազրկություն, անբարենպաստ պայմաններ տարրական ապրուստի համար, ընդամենը վերջերս մամուլում հրապարակվեցին Հրազդանի երթևեկելի ճանապարհները, որո՞նք նմանությամբ կարծես չէին տարբերվում դիրքապահների « Խռամատներ »ից, « Խռամատներ » որոնց վրայով ամեն օր կյանքի վտանգի ներքո երթևեկում են մեր երեխաները, մեր ծնողները և ի վերջո մենք։

Այս խնդիրներից բացի Հրազդան քաղաքում կան նաև շատ այլ խնդիրներ` որոնք մնացել են աննկատ և անտեսված, խնդիրներ` որոնք մնացել են առանց որևէ լուծումների, խնդիրներ` որոնց հետ գրեթե ամեն օր առնչվում են յուրաքանչյուր Հրազդան քաղաքի բնակիչները, խնդիրներ որոնց մասին կարելի է խոսել անվերջ ու անծայրածիր, սակայն այդ խնդիրների ու թեմաների քննարկումները և վերլուծությունները ավելի լավ կներկայացվեն թեկնածուների կողմից, իսկ ես դրա փոխարեն բոլորին կոչ եմ անում`

- Եթե նոր շունչ` ապա երիտասարդ շունչ,
- Եթե նոր քաղաք` ապա երիտասարդացված քաղաք,
- Եթե նոր քաղաքապետ` ապա ԱՐԹՈՒՐ ՄԻՍԱԿՅԱՆ.

Քանզի մնացածի գործելաոճը և շունչները մեզ բոլորիս արդեն լավ հայտնի են ու ծանոթ։

Վերջին շրջաններում Հայաստանում ՏԻՄ-ի պրակտիկան ապացուցեց, որ երիտասարդ քաղաքապետները կարողացել են ավելի ճիշտ ու արդիական ղեկավարել քաղաքները և վարչական շրջանները, ավելի լավ են տիրապետում ներկայիս արդիականացման ծրագրերը և ավելի եռանդով են կյանքի կոչում այն, երիտասարդ կադրեր` որոնք էլ իրենց հերթին վայելում են իրենց բնակիչների հարգանքը և համակրությունը։

Հարգելի ընկերներ ելնելով վերոգրյալից մեկ անգամ ևս կոչ եմ անում Ձեզ բոլորին ճիշտ կատարել Ձեր ընտրությունը, հանուն Ձեր և Մեր երեխաների համար` լինել անվախ և անկաշառ, լինել ո՛չ թե «Մետ» կա՛մ «Մոլ» այլ լինել ազնիվ ու մտահոգ, ստացավ և սեփական կամքի տեր...

Ընտրենք` երիտասարդ և գրագետ, կրթված և հմուտ Հրազդանի քաղաքապետի թեկնածու` ԱՐԹՈՒՐ ՄԻՍԱԿՅԱՆԻՆ

Էմիլ Մարկոսյան