Իրավապաշպաններից մեկն ահազանգել է այն մասին, որ Շիրակի մարզի Արևիկ համայնքի տարածքում՝ կամուրջի տակ, ոստիկանության աշխատակիցները մեքենայի մեջ հայտնաբերել են երկու մերկ տղամարդու և թմրանյութեր։ Պարզվել է, որ հայտնաբերվածներից մեկը ՀՀ ոստիկանության պետական պահպանության գլխավոր վարչության աշխատակից է։

Գրեթե շաբաթ չկա, որ տարբեր տրամաչափի պետական չինովնիկներ կամ ՔՊ-ականներ չբարձրաձայնեն Հայաստանում նարկոմանիայի տարածման աննախադեպ տեմպերի մասին: Բանը հասել է նրան, որ նույնիսկ ՔՊ-ական Էդուարդ Աղաջանյանն էր խոստովանել, որ Հայաստանում ցանկացած միջին վիճակագրական քեֆ-ուրախություն առանց թմրանյութերի չի անցնում:
Ոստիկանությունը որպես առաջնահերթություն է հռչակել թմրանյութերի ու թմրամոլության դեմ պայքարը՝ վստահեցնելով, որ կարող են այդ հարցում իրական առաջընթաց գրանցել: Հարց է ծագում, սակայն, թե ի՞նչ հույս կարելի է կապել մի կառույցի հետ, որի անդամենրը, փաստորեն, և՛ թմրամոլներ են, և՛ համասեռամոլներ:
Փաստն այն է, որ Հայաստանում հասարակական բարոյահոգեբանական վիճակի անկումն իսկապես աննախադեպ է, ինչը հետևանք է թերևս նախևառաջ այն անկման, որի հորձանուտում հայտնվել է Հայաստանը՝ պայմանավորված մի շարք օբյեկտիվ ու սուբյեկտիվ գործոններով:
Անկախ ամեն ինչից, եթե Հայաստանը պետություն է, իսկ ՔՊ-ն էլ՝ նորմալ իշխանություն, ապա Ոստիկանությունը, որ իշխանությունների դեմքն է, պետք է կարողանա նախ՝ ինքնամաքրվել, ապա՝ իրական գործով զբաղվել՝ Նիկոլ Փաշինյանին վարչապետի աթոռին հավերժացնելու փոխարեն: