USArmenianews.com
Լրատվական կայք՝ Լոս Անջելեսից
Հինգշաբթի, 30 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Դատավորն ինքը պետք է բարոյականություն ունենա ու մի պահ պատկերացնի, թե ինչ վիճակում են Իոսիֆի ծնողներ.Արսեն Արշակյան
2023-03-23 11:46:00
Տպել Տպել


Օրեր առաջ դատարանը քննում էր ԵՊԲՀ ուսանող Իոսիֆ Աղաջանովին 1996 թվականին դաժանաբար սպանելու համար ցմահ ազատազրկված Մհեր Ենոքյանին պայմանական վաղաժամկետ ազատ արձակելու վերաբերյալ քրեակատարողական հիմնարկի միջնորդությունը:
Դատարանին ներկայացվել են Ենոքյանի ձեռքբերումները, թե այս տարիների ընթացքում ինչ մրցումների է մասնակցել, որտեղ է ուսանում, ինչ կրթություն է ստացել, ինչ աշխատանքներ է տարել։
MediaHub-ի հետ զրույցում սպանվածի մանկության ընկեր Արսեն Արշակյանը նշեց, որ աբսուրդ է հանցագործին արդարացնել իր ունեցած ձեռքբերումներով։
«Ենոքյանը տարիների ընթացքում մերթընդմերթ ակտիվանում է, աջակիցներ ունի, որոնք իրեն ոգևորում են, հաջողություններն են օրինակ բերում, հիմա Ենոքյանին ու նրա աջակիցներին հարցնեմ՝ իսկ Իոսիֆի հաջողություններով ինչի՞ Ենոքյանը չթողեց, որ մենք ուրախանանք, ումի՞ց պահանջենք Իոսիֆի հաջողությունները․ լկտի վարքագիծ է։ Ամենատգետին էլ գցեն մի խցի մեջ, գիրք տան ձեռքը, ամենախելացին կդառնա»,-ասաց Արշակյանը։
Նշենք, որ Մհեր Ենոքյանը սպանությունը կատարել է ընկերոջ՝ Արամ Հարությունյանի հետ, վերջինս 15 տարի կալանավորվել է, ժամկետն արդեն լրացել է, հիմա ազատության մեջ է։ Օրեր առաջ դատական նիստի ընթացքում էլ սպանվածի քույրը՝ Ելենա Աղաջանովան ասել էր, որ հիմա Մհեր Ենոքյանը փորձում է ամբողջ մեղքը գցել Արամ Հարությունյանի վրա՝ հաշվի առնելով, որ երկրորդ անգամ նրան նույն հանցանքի համար չեն դատի։
Արշակյանը նշեց, որ 1996 թվականին՝ դատական գործընթացը մեկնարկելիս, ներկա է եղել բոլոր դատական նիստերին և Մհեր Ենոքյանի մեղքն ամբողջությամբ ապացուցված է։
«Ենոքյանը սկզբնական շրջանում շատ լավ էլ ընդունում էր ամբողջ մեղքը՝ թե՛ կազմակերպման, թե՛ իրագործման առումով, չգիտես թե ինչու հիմա մեղքը գցում է Հարությունյանի վրա։ Ինչ էլ անի, որևէ արդարացում չկա։ Ինձ հետաքրքիր է, թե ովքեր են այդ աջակիցները, Աստված չանի, որ այդ աջակիցների ընտանիքում ևս նման դաժան սպանություն լինի, գոնե պատկերացնո՞ւմ են, թե ինչ է կատարվել, հրեշավոր մարդասպանին ի՞նչ ներելու մասին է խոսքը»,-ընդգծեց ընկերը։
Արշակյանը պատմեց, թե իրականում ինչպես է եղել ընկերոջ սպանությունը՝ նշելով, որ տարիներ են անցել, սակայն որոշ դրվագներ կան, որոնք ոչ ոք մոռանալ չի կարողանում։
«Չեմ հիշում, թե որ մեկի տուն են հրավիրել Իոսիֆին՝ գիրք կարդալու. նրանք՝ երկուսով, Իոսիֆը՝ մենակ։ Իոսիֆը ննջարանում նստած գիրք կարդալիս է եղել, երբ մեկը թիկունքից разводной ключ-ով հարվածել է գլխին, հետո դանակի հարվածներ է ստացել: Պատկերացնո՞ւմ եք՝ այդ վիճակում Իոսիֆը փորձել է կռիվ տալ հետները, մինչև այն պահը, երբ հրեշներից մեկը դանակով կտրել է կոկորդը։ Դիակի զննության արդյունքները, դեպքի վայրը, գործիքները տեսանկարահանած կան, արխիվում էլ պահպանվել են։ Սպանել են, հետո մարմինը տեղավորել սպորտային պայուսակի մեջ, որը նոր էին գնել, սա էլ մեկ ապացույց էր, որ պլանավորված է եղել ամեն ինչ։ Դատարանը որոշում էր կայացրել գնդակահարել, սակայն 2001 թվականին մահապատիժը վերացվեց և արդեն փոխարինվեց ցմահ ազատազրկման։ Մհեր Ենոքյանն այդ ընթացքում երկու անգամ բանտից փախուստ կատարեց։ Այս արհեստական ակտիվացումներով խելքահան են անում մեզ, Իոսիֆի ծնողներին, ընտանիքին, մի փոքր բարոյականություն է պետք»,-նշեց Արշակյանը։
Ընկերը դատարանից սպասում է, որ բարոկայան որոշում կկայացվի։
«Ոչինչ չենք կարող կանխատեսել, ես չեմ ուզում խոսել ՀՀ իշխանության գործելաոճի, դատական համակարգի խնդիրների մասին, բայց դատավորն ինքը պետք է բարոյականություն ունենա ու մի պահ պատկերացնի, թե ինչ վիճակում են Իոսիֆի ծնողները։ Ենոքյանն այնպես ժպիտով է ներկայանում դատարան, որ կարծես ամեն ինչ հրաշալի է, այդպես էլ պետք է լիներ»,- հավելեց Արշակյանը:

Այս նյութը դիտել են - 1128 անգամ
Թողնել մեկնաբանություն
Բոլորը ›››
Facebook