USArmenianews.com
Լրատվական կայք՝ Լոս Անջելեսից
Հինգշաբթի, 28 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Մանվել Գրիգորյանին եւ Արցախի հերոսներին, Արցախն ազատագրածներին վարկաբեկելով, կեղծ շոուներ սարքելով, սկսվեց Արցախի հանձնումը թշնամուն
2022-07-14 14:31:00
Տպել Տպել

Այսօր Արցախի հերոս, գեներալ-լեյտենանտ Մանվել Գրիգորյանի
ծննդյան օրն է։ Առիթներ եղել են եւ մասնակցել եմ նրա ուրախություններին․․մի տեսակ մարդ էր, բայց, պահի տակ զգում էի, որ երեխայի պես է , շատ պարզ էր շփումներում․․ԱԺ դահլիճում զուգահեռ շարքերում էինք նստում, Նիստերից առաջ , երբ մտնում էի դահլիճ, ինքը, հիմնականում, արդեն նստած էր լինում իր տեղում․․։ Այն օրերին, երբ ընդհանուր բարեւում էի եւ նստում, անմիջապես նեղանում էր եւ արձագանքում․«Մարգարիտա ջան, /անունս միշտ ամբողջությամբ էր ասում/, վա՞տ ենք իրար հետ, խռո՞վ ես»; Ասում էի՝ չէ, պարոն գեներալ, անմիջապես երկրորդում էր՝«Բա որ վատ չենք, ի՞նչի մի կարգին, հավեսով, ջիգյարով չբարեւեցիր»․․․Սիրում էր, որ անվանական բարեւեմ, ձեռքը սեղմեմ․․․Չէ, մենք մոտ հարաբերություններ չունեինք, չեմ կարող պարծենալ, բայց զգում էի, որ հատուկ հարգալից է․․․Մի օր էլ լուսահոգի Ռոմիկը եկավ, թե՝ «Մարգարիտա ջան, արի գեներալի սենյակ, քեզ հրավիրում է»․․․։
Զարմացա, անգամ սենյակի տեղը չգիտեի․․Ռոմիկի հետ գնացինք․․Ներսում Սեյրան Սարոյանն էր, Մանվել Գրիգորյանը եւ էլի մարդիկ․․Մտա թե չէ, հանդիսավոր ոտքի կանգնեց․․Զարմացած էի․․Ինձ մեկնեց այս մեդալն ու գրքույկը եւ ասաց․ «Շնորհավորում եմ քեզ, դու արժանի ես մեր 5-րդ Բրիգադի 25 -ամյակի մեդալին»։ Ախր, պարոն գեներալ, ես ո՞ւր, ձեր 5-րդ հաղթական , Արցախ ազատագրած հերոսական բրիգադը ուր, ես ո՞նց եմ արժանի․․․«Թույլ չտվեց շարունակեմ։ Ձեռքս սեղմեց ու ասաց․«Մարգարիտա ջան, ես կռվի գինը գիտեմ, ես զինվորին հեռվից եմ ճանաչում, լավ կռվողին, դու զինվոր ես, էլի, քո կռիվն էլ ուրիշ դաշտում ա»։
Ի՞նչ իմանար Արցախի հերոսը, որ էսօր էդ կռվի դաշտը նույնն է, նույնը՝ հանուն Արցախի, նաեւ իր ազատագրած Արցախի, որ էսօր կտրտվում եւ հանձնվում է ժամանակին Մանվելի անունից անգամ սարսափող ադրբեջանին․․․
Նաեւ Մանվել Գրիգորյանին եւ Արցախի հերոսներին, Արցախն ազատագրածներին վարկաբեկելով, կեղծ շոուներ սարքելով, սկսվեց Արցախի հանձնումը թշնամուն եւ, ցավոք դեռ շարունակվում է․․․
Ուշացումով ասեմ՝ շնորհակալ եմ , պարոն գեներալ, 5-րդ Բրիգադի բոլոր տղերքին՝ հարգանացս հավաստիքը․․
Մարգարիտ Եսայան

Այս նյութը դիտել են - 1483 անգամ
Թողնել մեկնաբանություն
2024-03-05 01:16:00  «Փակ» հանդիպում
«Փակ» հանդիպում
Բոլորը ›››
Facebook