Առաջին նախագահի իշխանության տարիներին քանդվեց տասնյակ տարիների սարքածն ու իրականացվեց տոտալ թալան։Առաջին տարիներին մեղքը բարդվեց նախկինների վրա ,իսկ նախկինները կոմունիստներն էին,մինչեվ ժողովուրդը համատարած սկսեց մեղադրել գործող իշխանությանն,իրավամբ, թուրքից ավել թուրք լինելու համար։Այդ տարիներին սով էր ,ցուրտ էր, պատերազմ էր եվ համատարած արտագաղթ ,բայց ազգն արտաքին թշնամու հարցում միասնական էր եվ մի բռունցք։

Առաջին նախագահի օրոք հազարամյակներ անց Հայաստանը ետ բերեց իր արժանապատվությունը։
Երկրորդ նախագահի օրոք զարկ տրվեց անձի պաշտամունքին եվ դաժան հաշվեհարդար բոլոր նրանց նկատմամբ,ովքեր փորձ կանեին երկրորդ նախագահին ակնարկելու,որ իրենից բացի այլ տղամարդ կա այս երկրում։Միեվնույն ժամանակ պետք է արձանագրել, որ երկրորդ նախագահի իշխանության տարիներին կանգնեց արտագաղթը, սկսվեց ներգաղթը, իսկ հարեվան մելիքության կողմից ցանկացած սադրանք արժանի պատասխանի էր արժանանում Հայաստանի կողմից։
Երրորդ նախագահի իշխանության տարիներին ծաղկեց զոռբաների ինստիտուտը, իսկ նախագահին քծնողների բանակը կրկնապատկվեց,եռապատկվեց,սակայն արտաքին թշնամու հարցում արձանագրենք,որ իշանությունը,պետությունը միակամ էր։Իմա, ապրիլյան քառորյա հերոսամարտը։
Չորրորդ իշխանափոխությունն,,իրավամբ, ազգային զարթոնք էր, որը գործող իշխանության աստղային հիվանդության արդյունքում ոսկերչական ճշգրտությամբ օգտագործվեց արտաքին ուժերի կողմից ,այդ թվում նաեվ արտաքին թշնամու, ինչի արդյունքում պառակտվեց միասնականությունը , ընդ որում,գործող իշխանության սեվ սպիտակ,ըստ իս,հանցագործ քաղաքականության պատճառով ,,ինչը բերեց ազգի արժանապատվության հարկադիր կորստի։
Բաշիբոզուկ թուրքի նման սանձարձակ գործողություններն,արձանագրենք,որ չի եղել անգամ նախորդ դարի ութսունականներին։ Անվտանգության նման խայտառակ վիճակի արդյունքն է այսօրվա նման արտագաղթի պատճառը,բայց Հայաստանում ապրում է հայի,օրինապաշտ քաղաքացու տեսակ , ով անկախ իր հայացքներից, գործող իշխանությանը սիրել ատելուց , օրենքի եվ իրավունքի ուժով պարտադրելու է, օգնելու է այս իշխանությանը , կատարելու իր վրա դրած պոզիտիվ պարտավորությունները,այդ թվում, ետ բերելու խլված արժանապատվությունը։ Գործող իշխանությունն իր պոզիտիվ պարտավորությունները կատարեց լ ավ,,չկատարեց
,պատասխանատվության է ենթարկվելու օրենքով սահմանված կարգով ,չարգելված եղանակով ։Արյունը ջուր չի դառնում, երեսուն տարվա թալանածն էլ ետ է վերադարձվելու իրավունքի ուժով։
Լեվոն Բաղդասարյան ,փաստաբան