USArmenianews.com
Լրատվական կայք՝ Լոս Անջելեսից
Հինգշաբթի, 18 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Կալիֆորնիայում կես միլիոն դոլարի պիստակ է գողացվել
2015-12-03 09:06:00
Տպել Տպել

Կազմակերպված հանցագործությունը միշտ էլ խնդիր է եղել, սակայն «Horizon Nut Company» ընկուզեղենի ընկերությունից Սքոթ Վուդարդի խոսքերով, իրենք առաջին անգամ են հայտնվել  նման խոշոր խնդրի առջև:

Սքոթ Վուդարդը ասում է,- «Նրանք ունեին անհրաժեշտ բոլոր փաստաթղթերը, ու չէինք էլ կարող պատկերացնել, որ ինչ որ բան այնպես չէր»:

Անցած ամիս «Horizon Nut Company» ընկուզեղենի ընկերությունից գողացվել է 18 տոննա պիստակ: Բեռնատար մեքենայի վարորդը կեղծ փաստաթղթեր է ներկայացրել ընկերության պահեստի աշխատակցին, այնուհետև հեռացել՝մեքենան լի պիստակով:

Արևմտյան տնտեսական իրացման ընկերակցության նախագահ Ռոջեր Իսոմը հեռախոսային հարցազրույցում պատմում է, թե ինչպես է գողությունը իրականացվել:

Ռոջեր Իսոմը ասում է,- «Նրանք համացանցի միջոցով կոտրել են Տրանսպորտի նախարարության կայքի տվյալների պահեստը և վերցրել իրենց անհրաժեշտ տեղեկությունը:  Դրա շնորհիվ կարողացել են շեղել պահեստի աշխատողներին և գողանալ ընկուզեղենը»:

Սա Կալիֆորնիայում իրականացված նմանատիպ առաջին գողությունը չէ: 2013 թվականին Բաթթ Համայնքի ոստիկանապետը տեղական մամուլին տեղեկացրել էր, որ կազմակերպված մի հանցախումբ գողացել էր 200.000 դոլար արժողությամբ ընկույզ: Պետական մարմինները այնուհետև հայտնել էին, թե իրենց ունեցած տվյալները հուշում են, որ գողացված ապրանքը փոխադրվել է Արևելյան Եվրոպա... ենթադրաբար Հայաստան և Ռուսաստան:

Ռոջեր Իսոմը ասում է,- «Սա ձեր իմացած տեղական գողությունը չէ: Այս ամենը խելամտորեն ծրագրվել և իրականացվել է»:

Ներկայիս տվյալներով, «Horizon Nut Company» ընկերությանը հայտնի չէ, թե ով է գողացել իրենց ապրանքը:

Սքոթ Վուդարդը ասում է,- «Որքանով մենք տեղյակ ենք, բեռնատար մեքենան ուղևորվել է դեպի հարավ և բեռնաթափվել հարավային Կալիֆոռնիայում: Սակայն մենք տեղյակ չենք, թե բեռը ուր է տեղափոխվել դրանից հետո»:

Ընկերությունը գրեթե կես միլիոն դոլարի վնաս է կրել: Այժմ նրանք խստացնում են պահեստի հսկողությունը, հուսալով հետագայում խուսափել նման իրավիճակից: 

Այս նյութը դիտել են - 2169 անգամ
Թողնել մեկնաբանություն
Բոլորը ›››
Ամենաընթերցվածները
Օրվա Շաբաթվա Ամսվա
Facebook