Առավոտից երեկո համացանցն ու մամուլը ծաղրում են ԱԺ նախագահ Գալուստ Սահակյանին, մեջբերում են նրա անհեթեթ արտահայտություններն ու պատմում նրա ծիծաղաշարժ արարքների մասին: Իսկ Գալուստն էլ իր հերթին է ծիծաղում բոլորի վրա: Եվ դրա համար նա բազում պատճառներ ունի: Վերցնենք թեկուզ այն, որ Գաուստի որդին միլիարդատեր է: Մի՞թե սա պակաս ուրախության առիթ է: Եվ ոչ թե թաքուն, ստվերային միլիարդատեր, այլ շատ բացահայտ:

Այսպես, ՀՀ կառավարությանն առընթեր պետական գույքի կառավարման վարչության պետ Արման Սահակյանի կարողությունը, ըստ պաշտոնական հայտարարգրի, կազմում է 1 196 396 649 դրամ: Նրա կնոջ կարողությունը 34 մլն դրամ է: Հիմա ինքներդ մտածեք. Արման Սահակյանը մշտապես զբաղեցրել է պետական պաշտոններ, տատն ու պապը նրան կճուճներով ոսկիներ չեն ժառանգել, իրենց բակում նավթահոր չունի, այդ որտեղի՞ց կարողացավ կուտակել աստղաբաշխական փողերը, այն էլ խեղճ ու կրակ Հայաստանում, որտեղ պետական պաշտոնյան եթե իր 200 տարվա աշխատավարձը գումարի, դարձյալ այքան չի կազմելու:

Մտածեք: Հենց կռահեք, կհաշվենք նաև միլիարդատիրոջ հոր փողերը: