Ստացվել է վարչապետ Նիկոլ Փաշինյանի արձագանքը Էջմիածնում տեղի ունեցող տխրահռչակ դեպքերի հետ կապված :

Հիշեցնենք , որ «Քայլ արա» շարժման խորհրդանիշները հունիսի 14- ին ապօրինաբար գործածվել էին Էջմիածնում՝ «Դոն Պիպոյի» ՝ ընդդեմ Մանվել Գրիգորյանի կազմակերպած հանրահավաքում՝ դրան հեղափոխական շունչ հաղորդելու ցինիկ նկատառմամբ :
«Անընդունելի է , որ քրեածին տարրերը պղծեն սիրո եւ համերաշխության հեղափոխության խորհրդանիշները եւ հեղափոխության անունը օգտագործեն մաֆիոզ պատերազմներում : Թույլ չենք տա»:
Սա այն հայտարարության տեքստն է , որ , ինպես նշվեց , ստացվել է Էջմիածնում ընթացող բացասական պրոցեսների հետ կապված՝ անմիջականոեն վարչապետից , որ , ըստ էության , վերջակետ է դնում Դոն Պիպոյի կողմից արհեստականորեն դաշտ նետված օրակարգին :
Ինչպես հայտնի է , Դոնն ու նրա խուլիգանները , որպես իրենց հակահասարակական պահվածքի արդարացում, հաճախ են հղում կատարում երկրում տեղի ունեցած հեղափոխությանը . իբր ժամանակները փոխվել են , ու եկել է պահն՝ ազատագրվելու ամեն « հնից », «հին դեմքերից », ինչն , անկասկած , կեղծ ու արհեստածին թեզ է ի սկզբանե , ու հակասում է ոչ միայն հեղափոխության ոգուն , այլև պետության ազգային անվտանգության կենսական շահերին :
Փաշինյանն իր այս հայտարարությամբ ոչ միայն հստակ սահման է քաշում անբարոյականության ու համամարդկային բարոյականության միջև , այլև ուղղակիորեն սաստում է Դոն Պիպոյին՝ հիշեցնելով նրա կասկածելի անցյալն ու իսկական էությունը :
«Քրեածին տարրեր» դիպուկ բառակապակցության առկայությունը հայտարարության տեքստում հստակ ազդակ է՝ Պիպոյին ու նրա շուրջ համախմբվածներին այն մասին , թե ինչ է իրականում մտածում երկրի բարձրագույն ղեկավարությունն իրենց մասին՝ դրանից Դոն Պիպոյի ու պիպոյականների համար բխող բոլոր անցանկալի հետևանքներով հանդերձ :
Ավելին՝ մեկ այլ՝ « մաֆիոզ պատերազմներ » արտահայտությունն էլ իր հերթին , թերևս , կարելի է շատ կոնկրետ նախազգուշացում համարել՝ արկածախնդիրներին , քանի որեթե անօրինական շարժումը Փաշինյանի կողմից ընկալվում է՝ « մաֆիոզ պատերազմ », ապա աներկբա է , որ դա ենթադրում է շատ կոնկրետ պատասխանատվություն օրենքի առաջ:
Հայաստանում գանգստերական պատերազմներն արգելված են օրենքով , ու ցանկացած մեկն , ով ծավալում է նման հակաբարոյական գործունեութուն , պատասխանատու է դառնում ոչ միայն մարդկային չգրված , այլև պետական գրված օրենքների առաջ :
Այնպես որ՝ այժմ հարցը , թերևս , մեկն է՝ Դոն Պիպոյին կկալանավորե՞ն , թե՞ առայժմ կբավարարվեն կոշտ նախազգուշացմամբ :
Հիշեցնենք, որ Հունիսի 16-ի վաղ առավոտյան ԱԱԾ-ն գործողություններ է իրականացրել Դոն Պիպոյի առանձնատանը: