Հայաստանում տեղի է ունեցել հեղափոխություն , իսկ սա նշանակում է , որ պերմանենտ բնույթ կրող պրոցեսը վաղ թե ուշ իր ազդեցությունն ու արժեհամակարգային կլիշեներն է պարտադրելու անխտիր բոլոր ոլորտներին՝ քաղաքական կյանքին առնչվողներից մինչև ասենք հանրային կարծիք ձևավորող գործիքակազմեր :

ԱԺ - ում հունիսի 5-ին տեղի ունեցած ՀՌԱՀ բյուջեի կատարողական հաշվետվությունը բավական սկանդալային մթնոլորտում է անցել: ՀՌԱՀ խորհրդի նախագահ Ռուբեն Ջաղինյանն անձամբ է ստիպված եղել սեփական մաշկի վրա զգալ « թավշյա հեղափոխության » էֆեկտը՝ չկարողանալով , սակայն , այդպես էլ սպառիչ պատասխան տալ այն հարցին , թե ինչ է եղել փաստացի գոլորշիացած 2 մլրդ դրամի հետ , որն , ինչպես հայտնի է , հատկացվել էր պետության կողմից Հ 1- ին :
Ընդհանրապես պետք է նկատել , որ Հանրային հեռուստաընկերության շուրջ բարձրացած այս աղմուկը բնավ առաջինը չէ: Մամուլում հաճախ կարելի է հանդիպել հրապարակումների , որոնք տեղիք են տալիս լրջագույնս մտորելու Ռուբեն Ջաղինյանի ու նրա անմիջական ղեկավարության տակ գտնվող Մարգարիտա Գրիգորյանի գործունեության բովանդակության շուրջ :
Բանն այն է , որ հասարակության շրջանում Հ 1- ը , հանիդսանալով պետական բյուջեից սնվող կառույց , մշտապես ասոցացվում է պետական միջոցների անհարկի մսխման , կոռուպցիոն երևույթների հետ :
Ի դեպ՝ պետք է արձանագրել , որ կոռուպցիոն սխեմաների մեջ թաթախված է Հայաստանի ողջ պետական համակարգն ու նաև այն կառույցները , որոնք այս կամ այն կերպ գտնվում են պետության հովանու ներքո , բյուջեից փող են ստանում և այլն:
ՀՌԱՀ-ը նույնպես բացառություն չէ այս իմաստով:
Նկատենք, սակայն, որ Ռուբեն Ջաղինյանը մեկ անգամ չէ, որ հայտնվել է հասարակության ուշադրության կենտրոնում: Մասնավորապես՝ մեկ-երկու տարի առաջ, ասում էին, Ջաղինյանը Սերժ Սարգսյանի զայրույթն էր հարուցել ու կանգնել յուղոտ պաշտոնը կորցնելու եզրին, ու միայն հրաշքով է, որ կարողացել է պահպանել այն:
Ասել կուզի՝ ի դեմս Հանրայինի Հայաստանն ունի կոռուպցիոն տեսանկյունից միանգամայն ռիսկային կառույց, որի ղեկավարությունը բավական հաճախ է վատ առիթներով հայտնվում հասարակության ուշադրության կենտրոնում:
Անկասկած է, որ Հայաստանում հուժկու թափով ընթացող կադրային տեղաշարժերն այսպես թե այնպես վերաբերելու են նաև գլխավորապես պետական բյուջեի հաշվին գոյություն պահպանող, իսկ ավելի ճիշտ՝ հարկատուների հաշվին ճարպակալող Հանրային հեռուստաընկերության ղեկավարությանը:
Ջաղինյանն ու նրա թիմը կարող են պաշտոնանկ արվեն ոչ միայն կոռուպցիոն սկանդալների կենտրոնում հայտնվելու պատճառով, այլև Հ1-ի լրատվական քաղաքականության, որն, ինչպես հայտնի է, հեռու է անաչառ համարվելուց:
Այս հեռուստաընկերությունը երկար տարիներ ի վեր հանդիսացել է ՀՀԿ-ի գլխավոր քարոզչամեքենան, ու միանգամայն տրամաբանական կլիներ, որ ՀՀԿ-ի դարաշրջանի ավարտին զուգահեռ ավարտվեր նաև Ռուբեն Ջաղինյանի դարաշրջանը՝ նույնպես: