2018թ փետրվարի 5-ին Երևանում Արամ Խաչատրյանի համերգասրահում տեղի է ունենալու համերգ- մեծարման երեկո նվիրված հայ երգի դիցուհի, վաղամեռիկ երգչուհի, գյումրեցի Ֆլորա Մարտիրոսյանին:

Բեմահարթակից հնչելու է «Ինչու ափսոսամ» երգը, որը եղավ անվանի երգչուհու «կարապի երգը»: Նախքան մահանալը նա հարցազրույց է տվել «168 ժամ»թերթի գլխավոր խմբագիր Սաթիկ Սեյրանյանին, որտեղ նա ասում է, որ «Ինչու ափսոսամ » երգի տեքստի հեղինակը կին է:
Թերթը տպագրվել է 13 դեկտեմբերին 2012 թվականին «168 ժամ» թերթում: Այդ նշանավոր հոդվածում կա հետևյալ տողերը.
«Իր արխիվում նա վերագտնում է այդ երգը, որը տարիներ առաջ էր ձայնագրել: Ասում էր, որ երգի խոսքերը ժամանակին գրել է մի կին. դա այդ կնոջ միակ ստեղծագործությունն է եղել»:
Այդ երգի խոսքերը գտնվում են «Հայ Արվեստի Տուն», Գրական մեղեդիներ գեե հ/կ-ի հիմնադիր-նախագահ, բանաստեղծուհի, լրագրող-թարգմանչուհի, հրապարակախոս Մելսիդա Հակունցի ձեռագրում և տակը թվարկված է 13.06. 1981:
Սիրիահայ բանաստեղծ Վահրամ Հաճյանը այդ բանաստեղծությունը տպագրել է իր գրքում 1996 թվականին և դիմել է մեծանուն երգչուհուն, որ իբր ինքն է հեղինակը, սակայն Ֆլորա Մարտիրոսյանը մերժել է այդ փաստը և հրավիրել է Սաթիկ Սեյրանյանին և տվել է հարցազրույց այդ մասին, ասելով, որ Աստծուն հոգի է տալու և չի կարող սուտ ասել ու համաձայնվել Վահրամ Հաջյանի հետ, քանի որ, իրոք, կին է գրել: Ինչպես գիտեք բանաստեղծ Վահրամ Հաճյանը կին չէ:
Պատրաստված է տեսահոլովակ, որի նկարահանումներին լրիվ չի մասնակցել երգչուհին իր վաղաժամ մահվան պատճառով:
Նա մահացել է 2012 թվականի նոյեմբերի 20-ին , իսկ Սաթիկ Սեյրանյանի հոդվածը տպագրվել է և կա համացանցում 13 դեկտեմբերին 2012 թվականից, այսինքն նրա մահվանից 23 օր հետո:
Պատրաստված է ձայնասկավառակը, որի վրա գրված է «Ինչու ափսոսամ» երգի տեքստի հեղինակ Վահրամ Հաճյան:
Այդ մասին Մելսիդա Հակունցին տեղեկացրեց Երևանի Արամ Խաչատրյանի անվան մեծ համերգասրահի տնօրեն տիկին Սիրունյան Ռուզաննան, որը նույնպես նրա հետ առաջին հանդիպման ժամանակ հաստատեց, որ այդ երգը շատ է սիրել Ֆլորա Մարտիրոսյանը և բազմիցս իր մոտ երգել է և ասել, որ երգի տեքստի հեղինակը ԿԻՆ Է: Նա պատրաստվում է այդ ձայնասկավառակը նվիրել Մելսիդա Հակունցին որպես ապացույց, որ նա չի հեղինակը:
Մելսիդա Հակունցը նրան նվիրեց «Հայ երգի դիցուհի` Ֆլորա Մարտիրոսյան-60» համահեղինակային գրքույկը և իր «Ինչու ափսոսամ» բանաստեղծությունների ժողովածուն, որը հենց նրա ձեռագրի հրատարակված գիրքն է, որտեղ կա նաև անձամբ Ֆլորա Մարտիրոսյանի ստորագրության պատճեն:
Ֆլորա Մարտիրոսյանը չի մասնակցել այդ ձայնասկավառակի պատրաստման վերջնական աշխատանքին և չէր համաձայնվի այդ ձայնասկավառակի վրա թույլ տալ տեղադրելու տղամարդու ազգանուն, որքան էլ նա մտերիմ հարաբերության մեջ լիներ նրա հետ: Դա է վկայում Սաթիկ Սեյրանյանի հետ հարցազրույցը, որի տեսանյութը անգամ պահպանված է տիկին Սեյրանյանի արխիվում:
Հույս ունենք, որ այդ օրը ԱՇԽԱՐՀԸ ԱՇԽԱՐՀ Է ԴԱՌՆԱԼՈՒ և վերանալու է այն մեղադրանքը, որ իբր Վահրամ Հաճյանն է երգի տեքստի հեղինակը և ձայնասկավառակը արտադրողները ներողություն կխնդրեն հեղինակային իրավունքը խախտելու համար և կփոխեն ձայնասկավառակի վրա նշված հայտարարությունը վրան գրելով «Ինչու ափսոսամ» երգի տեքստի հեղինակ ՄԵԼՍԻԴԱ ՀԱԿՈՒՆՑ, չթողնելով լուսահոգի երգչուհուն անգամ «հողի տակ դառնանալ» այս անօրինության դեմ, որը կատարվել է հակառակ իր կամքի, նրա մահից հետո:

Ինչու ափսոսամ...

Վաղուց ոչնչով չեմ ուրախանում,
Կյանքս արցունքի հովիտ է մի լայն,
Կատարյալ ոչինչ չկա աշխարհում,
Անէությունն է կատարյալ միայն:

Հույսերիս վերջին մոմերն են մարում
Ցուրտ մոխրի վրա ավերված սրտիս,
Տանուլ տվածս շահ եմ համարում
Եվ չեմ տարբերում գույժ ու ավետիս:

Ով ինչպես կուզի, դժոխքը՝ դրախտ,
Եվ անեծքը թող օրհնանք համարի,
Մեկ է, ես պիտի չքվեմ ու գնամ,
Աշխարհում թողնեմ իմ տեղն ամայի:

Դու, առ ու փախի, ավարի աշխարհ,
Խաբեության ու խավարի աշխարհ,
Հողի տակ է՞լ եմ ես դառնանալու,
Աշխարհ, դու ե՞րբ ես աշխարհ դառնալու…:

29.01.2018 թվականին տիկին Սիրունյանին հանձնվեց ՀՀ Լրագրողների Միության նախագահ Սաթիկ Սեյրանյանի գրած հոդվածի պատճեն: Հոդվածը տպագրվել է 13 դեկտեմբերի 2012 թվականին` երգչուհու մահից 23 օր հետո:
Երախտապարտ եմ քեզ, սիրելի Ֆլորա ջան, որ գոնե մինչև մահանալդ հանրությանը հասցրել ես տեղյակ պահել, որ 'Ինչու ափսոսամ' երգի տեքստի հեղինակը կին է....
«Անպայման լսեք 11-րդ երգը` «Ինչու ափսոսամ'-ը: Ժամանակին երգելով այն` այդպես խորը չեմ զգացել թե երաժշտությունը, թե խոսքերը: Հիմա` ոնց որ ես գրած լինեմ խոսքերը, ու դա այն է, ինչ ուզում եմ աշխարհին ասել, հիմա ուրիշ ձևով եմ զգում նույն երգը',- ասել է ՖԼՈՐԱ ՄԱՐՏԻՐՈՍՅԱՆԸ...

Մելսիդա Հակունց
30.01.2018
Երևան