USArmenianews.com
Լրատվական կայք՝ Լոս Անջելեսից
Չորեքշաբթի, 17 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Ռուբեն Վարդանյանը հեռացավ. Արցախի թեման փակվե՞ց
2023-02-23 10:30:00
Տպել Տպել


Արցախի նախագահ Արայիկ Հարությունյանը հայտարարել է, որ ստորագրել է Ռուբեն Վարդնայանի ազատման հրամանը՝ միաժամանակ հավաստիացնելով, որ Վարդանյանը շարունակելու է մնալ իր ընկերը, այս կամ այն կերպ նպաստել Արցախի զարգացամանը:
Դեռ օրեր առաջ էր շրջանառվում տեղեկությունն այն մասին, որ փետրվարի 23-ին Վարդանյանին հեռացնելու են պաշտոնից: Տեղեկությունները, փաստորեն, ճիշտ դուրս եկան, ինչը, սակայն, չի կարող փարատել այն վախերը, որ առաջ են գալիս նրա՝ պաշտոնից հեռացման կապակցությամբ:
Բանն այն է, որ Ռուբեն Վարդանյանը, որին տրվող գնահատականները հաճախ միմյանցից արմատապես տարբեր էին, իր պաշտոնավարման 100 օրվա ընթացքում իրեն հասցրեց դրսևորել որպես Արցախի ինքնուրույնության ու հարատևության ջատագով: Գոնե նրա հանրային ելույթներն ու տարբեր միջազգային ԶԼՄ-ներին տված հարցազրույցները հենց դրա մասին են վկայում: Մի դեպքում, երբ հայտնի է, թե ինչ իրավիճակ է Լաչինի միջանցքի շուրջ, թե ինչ պահանջներ է ներկայացնում Ադրբեջանը Հայաստանին ու Արցախին՝ կապված նույն Վարդանյանի հետ, շատ մեծ է գայթակղությունը՝ մտածելու, որ նրա հեռացումը կարող է Արցախի սուբյետայնության վերջի սկիզբը դառնալ՝ հաշվի առնելով առնվազն Արայիկ Հարությունանի հարմարվողական էությունը:

Մյուս կողմից՝ Վարդանյանի հեռացումն ունի նաև լրջագույն ներքաղաքական կոնտեքստ՝ կապված Արցախում Նիկոլ Փաշինյանի ազդեցության մեծացման հետ:
Հայտնի է, որ Վարդանյանի հայտնվելը Արցախի պետնախարարի պաշտոնում չէր տեղավորվում ՔՊ-ական իշխանության ծրագրերում ոչ միայն այն պատճառով, որ վերջիններս համոզված են Արցախի՝ ադրբեջանական հող լինելու վերաբերյալ իրենց պնդումներում՝ անթաքույց կերպով պրոցեսը տանելով Ստեփանակերտն էլ Ադրբեջան դարձնելու ուղիով, այլև՝ այն, որ Վարդանյանը նույն Նիկոլ Փաշինյանի կողմից դիտարկվում էր որպես հնարավոր քաղաքական ախոյան. ՔՊ-ն վախենում էր, որ կարող էր կրկնվել Քոչարյանի պատմությունը, և ինչպես Քոչարյանի՝ Արցախից Հայաստան գալը վերջ դրեց Տեր-Պետրոսյանի իշխանությանը, այնպես էլ Վարդանյանը կարող էր վերջ տալ Փաշինյանի քաղաքական կարիրեային:
Այս իմաստով Վարդանյանի հեռացումը ուրախալի փաստ է Նիկոլ Փաշինյանի ու նրա թիմի համար:
Հուսանք,որ գոնե Ռուբեն Վարդանյանի հեռացումից հետո Ադրբեջանը կբացի Լաչինի միջանցքը՝ ենթարկվելով Հաագայի միջազգային դատարանի վճռին՝ նախապես ստանալով սեփական հախը:
Գ.Մ.

Այս նյութը դիտել են - 788 անգամ
Թողնել մեկնաբանություն
Բոլորը ›››
Ամենաընթերցվածները
Օրվա Շաբաթվա Ամսվա
Facebook