USArmenianews.com
Լրատվական կայք՝ Լոս Անջելեսից
Երեքշաբթի, 19 Նոյեմբերի 2019թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն
Facebook twitter Youtube
Search
am en
Արխիվ
Օրվա Լուսանկար
Երևան՝ իմ սեր. ովքե՞ր են ատելություն հրահրողները
2019-10-20 00:23:00
Տպել Տպել

Նոյեմբերի 19-ին՝ Երևանի տոնին, «սիրո ու համերաշխության» հեղափոխական լոզունգների պակաս չզգացվեց: Իշխողները շարունակում էին սեր խոստովանել հասարակությանն ու քաղաքին, իսկ ահա քաղաքապետ Մարությանն էլ հասցրեց անգամ նվեր ստանալ՝ Ռոբերտ Քոչարյանի հեղինակած «Կյանք ու ազատություն» գիրքը:

Սակայն արդյո՞ք քաղաքում, իսկ ավելի ճիշտ՝ երկրում մթնոլորտն իսկապե՞ս տոնական կարելի էր համարել: Բնա՛վ, քանի որ իշխանությունները վաղուց հաջողացրել են հասարակության մեջ սպանել տոնի զգացողությունը: Եվ հարցը միայն Երևանի տոնին չի վերաբերում, առհասարակ:
Ի՞նչ տոնի մասին կարելի է խոսել՝ սևերի ու սպիտակների, յուրայինների ու հակառակորդների բաժանված երկրում, ուր ներկաները՝ բախտի բերմամբ ու բոլորովին պատահմամբ իշխանության ղեկին հայտնվածներն, աջուձախ թրատելով գնում են:
Թրատում են ամեն ինչ՝ պետական կառույցները, պետական համակարգը, ժողովրդավարության սկզբունքները:
Ի՞նչ տոնի մասին կարելի է խոսել, եթե դրան իսկական բովանադակություն հաղորդողը միասնությունն է Հայաստանից պակասել: Ցանկացած տոնի հիմնական առաքելություններից մեկն էլ միասնականությունը խթանելն է, դրան նպաստելը: Ինչպե՞ս նպաստես մի բանին, եթե այն առհասարակ գոյություն չունի:
Ինչ վերաբերում է բուն քաղաքի խնդիրներին, ապա այստեղ, առհասարակ, մեկնաբանելու բան չկա: Մարության Հայկը կարողացել է անել ամեն ինչ՝ երևանցիների սրտում նորմալ քաղաք ունենալու հույսը մեկընդմիշտ սպանելու համար: Այդպես էլ օդից կախված են մնում գրեթե այն բոլոր խոստումները, որոնք հնչել են նրա շուրթերից: Երբ երևանցիները փորձում են մատնացույց անել խնդիրներն ու հարցնել՝ ինչո՞ւ դրանք չեն լուծվում, Մարությանն անմիջապես հայտարարում է՝ բոլոր խոստումները տրվել են 5 տարվա համար, ուստի՝ պետք է 5 տարի սպասել, որպեսզի հնարավորություն ունենալ տեսնելու տրված խոստումների ի կատար ածումը: Մարդիկ էլ սպասում են ու սպասում:
Սպասելն, իհարկե, լավ է, բայց այն վտանգը, որ դրանից կարող է բխել իշխանությունների համար, ավելի քան իրական է: Սպասողները կարող են հանկարծ դադարել սպասել ու սպասումը վերածվի տոտալ հիասթափության՝ սրանից բխող հետևանքներով:
Այդ ժամանակ է՞լ են, տեսնես, իշխանությունները սեր խոստովանելու…

Այս նյութը դիտել են - 1992 անգամ
Թողնել մեկնաբանություն
Բոլորը ›››
Հարցում

Ինչպե՞ս եք գնահատում ՀՀ Ոստիկանական համակարգի աշխատանքը

Նշեք 1 պատասխան:

  • Լավ (233-ձայն)
  • Վատ (158-ձայն)
  • Շատ Վատ (1155-ձայն)
Ajax Loader
Ամենաընթերցվածները
Օրվա Շաբաթվա Ամսվա
Facebook