2016-03-24 16:50:00
Գլենդելի քաղաքային խորհուրդը արտոնել է բանակցությունները Հայ-ամերիկյան թանգարանի կառուցման վայրը Գլենդելի Արվեստների և զվարճանքների թաղամաս տեղափոխելու հարցով: Այս մասին հայտնում է Asbarez-ը։
Քաղաքի կառավարիչ Սքոթ Օչոան համոզմունք է հայտնել, որ Գլենդելի այդ հատվածը լավագույն վայրը կարող է լինել թանգարանի համար: Հայ-ամերիկյան թանգարանի կառուցման նոր վայրի ընտրությանն իր հավանությունն է տվել նաև Գլենդելի քաղաքապետ Արա Նաջարյանը, ում համոզմամբ` թանգարանը մեծ ակտիվություն կհաղորդի քաղաքին:
Գլենդելի Հայ-ամերիկյան թանգարանը կառուցումից հետո կծառայի որպես մշակութային կենտրոն, որը կնպաստի տեղի հասարակության զարգացմանը, կպատմի հայ-ամերիկյան բարեկամության մասին և անհատներին կոչ կանի ընդունել մշակութային բազմազանությունը և դեմ կանգնել անարդարություններին:
Այս նյութը դիտել են - 1915 անգամ