«Զինվորների դիերը մեզ մոտ են բերվել ամբողջովին որդերի թրթուրներով պատված…»․ դատաբժիշկ
2021-06-05 12:55:00

Մենք գործ չենք ունեցել թարմ, նոր դիակների հետ։ Այս մասին լրագրողների հետ հանդիպման ժամանակ ասաց Արարատի մարզի դատաբժշկական փորձաքննությունների բաժնի վարիչ Արմեն Գևորգյանը:
«Բոլոր դիակները մեզ մոտ բերվել են ծայրահեղ աստիճանի աուտոլիտիկ նեխմամբ, կազմափոխմամբ, փափուկ հյուսվածքների ու ներքին օրգանների բացակայությամբ, ամբողջովին որդերի թրթուրներով պատված», — ասաց նա։
Դատաբժիշկը նշեց, որ զինվորների դիակների մեծ մասը եղել է անճանաչելի։
«Մենք ունենք ճանճերի, միջատների, թրթուրների, խոշոր անասունների՝ գայլերի կողմից հոշոտված դիակներ։ Ունենք ամբողջովին կմախքացած ոսկորներ, որոնք ենթակա չեն որևէ քիմիական նյութով մշակման», — ասաց դատաբժիշկը։
Գևորգյանի խոսքով՝ թարմ դիակներ ունեցել են միայն պատերազմի առաջին մեկ-երկու օրը։

Այս նյութը դիտել են - 5035 անգամ