Պաշտպանության նախարար Վիգեն Սարգսյանի այցը` Լոս Անջելես (Տեսանյութ)
2017-11-15 12:35:00
 
ՀՀ պաշտպանության նախարար Վիգեն Սարգսյանի ` օրերս կատարած այցը Ամերիկայի Միացյալ նահանգներ , պետք է նկատել , բավական հագեցած ստացվեց : 
Այցը նշանակալից էր նաև այն իմաստով , որ նախարարը հանդիպումներ էր ունեցել հայկական կառույցների ներկայացուցիչների , հայ համայնքի այլ անդամենրի հետ ` այդ հանդիպումների ընթացքում լայնորեն անդրադառնալով այն բոլոր խնդիրներին , որոնք այսօր կանգնած են բանակի առջև ու որոնք այլևս իրենց լուծման ճանապարհին են :
Սարգսյանը ԱՄն կատարած իր այցի շրջանակում , մասնավորապես , այցելել է Լոս Անջելեսի Կալիֆորնիայի համալսարան : Լասկին հանրային կապերի դպրոցի սաների և դասախոսական կազմի առջև Սարգսյանը հանդես է ր եկել հանրային դասախոսությամբ` այցի շրջանակներում անդրադառնալով նաև բավակայն լայն շրջանակ ընդգրկող կարևորագույն հարցերի : Նույն օրը Վիգեն Սարգսյանը հանդիպում է ր ունեցել Լոս Անջելեսի քաղաքապետ Էրիկ Գարսետտիի հետ։ Օրվա երկրորդ կեսին հայկական պատվիրակությունը հյուրընկալվել էր Լոս Անջելեսում Հայաստանի գլխավոր հյուպատոսությունում , որտեղ Վիգեն Սարգսյանը պատասխանել է Միացյալ Նահանգների առաջատար հայկական լրատվամիջոցների ներկայացուցիչների հարցերին, ինչպես նաև ներկայացրել զինված ուժերում իրականացվող ծրագրերը:
Այս ամենից հետո ` Նոյեմբերի 13- ի երեկոյան, Վիգեն Սարգսյանի գլխավորած պատվիրակությունը հյուրընկալվեց ԱՄՆ Հայոց Արևմտյան թեմի առաջնորդարանում։ Նշենք , որ հանդիպման բացումը վերապահված էր ԱՄՆ - ում ՀՀ դեսպան Գրիգոր Հովհաննիսյանին : Հայկական կազմակերպությունների ղեկավարների , համայնքային գործիչների հետ հանդիպումից հետո Վիգեն Սարգսյանը , համայնքի մեծաթիվ ներկայացուցիչների առջև, որնց շարքերում քիչ չէին նաև մեդիա դաշտի ներկայացուցիչները , հանդես եկավ ծավալուն ելույթով` անդրադառնալով հայկական բանակի արդիականացման ծրագրերին։ Խոսվեց բանակի մարտունակության և զինվորական ծառայության գրավչության բարձրացման , ռազմարդյունաբերության զարգացման , ռազմակրթական ծրագրերի բովանդակային փոփոխությունների , գիտելիքահենք բանակի ձևավորման անհրաժեշտության և մի շարք այլ խնդիրների մասին։
Վիգեն Սարգսյանը մանրակրկտորեն ներկայացրեց առաջնագծում իրականացվող աշխատանքները , նոր զինատեսակների ձեռքբերման առաջնահերթությունները, զինված ուժերում իրականացվող լայնածավալ սոցիալական ծրագրերը , ներկաներին պատմեց նոր , գերժամանակակից զինվորական հոսպիտալի ստեղծման հեռանկարների և շաբաթներ անց բացվող «Զինհաշմանդամների վերականգնողական կենտրոնի » մասին։
Պաշտպանության նախարարն իր ելույթում խոսեց նաև Մոնթե Մելքոնյանի անվան ռազմամարզական վարժարանի ` Դիլիջան տեղափոխության մասին ` վստահեցնելով , որ ռազմակրթական այդ հաստատությունը վերածվ ելու է Հայաստանի լավագույն ավագ դպրոցի , ինչն առաջին քայլն է դառնալու ՝ ռազմակրթության ողջ համակարգը կտրուկ արդիականացնելու ճանապարհին։
Ելույթի ավարտին Վիգեն Սարգսյանը սիրով պատասխանեց հանդիպման մասնակիցների հարցերին` տալով առավել հետաքրքրասերներին բացառիկ հնարավորություն ` սպառիչ պատասխաններ ստանալու նրանց հուզող հրատապ հարցերի վերաբերյալ ։ Ի դեպ ` նշենք , որ մասնակցիների ու նախարարի միջև կապի իրականցումը վերապահված էր Մարիա Մեհրանյանին ` « Հայաստան համահայկական հինադրամ »- ի ԱՄՆ Արեւմտյան շրջանի տեղական մարմնի նախագահին , ում անգլերենով հնչած հարցերին Սարգսյանը պատասխանում էր փայլուն , անթերի անգլերենով ` թերևս , ևս մեկ անգամ ի ցույց դնելով անգլերենի իմացության իր հույժ բարձր մակարդակը :
Նախարարի հետ հանդիպման ավարտին իրենց հայրապետական աղոթքը ներկաներին հղեցին Հովնան արք. Տերտերյանն և Մուշեղ արք. Մարտիրոսյանը:
Սա , թերևս , նախարար Վիգեն Սարգսյանի ԱՄՆ կատարած այցելության շրջանակներում հայկական համայնքի ներկայացուցիչների հետ հանդիպումների շարքից վերջինն էր , որից հետո հայկական պատվիրակությունը մեկնելու էր Կանադա ` մասնակցելու Վանկուվերում կայանալիք ՄԱԿ - ի խաղաղարար համաժողովին :
Մանրամասները՝ տեսանյութում.


Այս նյութը դիտել են - 22007 անգամ