2017-06-22 10:16:00
Երևանի թիվ մեկ տուն-ինտերնատի վերաբերյալ վերջերս մի շարք աղմկահարույց բացահայտումներ են կատարվել:
Նախ Վերահսկիչ պալատն է վեր հանել տուն-ինտերնատում կատարված խախտումները: Ստուգող կառույցը պարզել է, որ ՊՈԱԿ-ի տնօրինությունը հաշվառումից չի հանել մահացած կամ ընտանիք վերադարձած խնամյալներին: Բացի այդ, անօթևանների ընդունումը և դուրս գրումը չի արտացոլվել ճաշացուցակներում, որը հանգեցրել է սննդամթերքի ծախսի ավել ֆինանսավորման:
Տուն-ինտերնատում տիրող անմխիթար վիճակի մասին օրերս բարձրաձայնել են նաև «Ելք» դաշինքի պատգամավորները:
Նրանք այցելել են անօթևաններին և պարզել, որ նրանց համար ապահովված չեն կեցության տարրական պայմաններ: Իրավիճակը, սակայն, հերքում են պատասխանատու կառույցից. «Աղմուկ ոչնչից»,- ստեղծված իրավիճակը NewsBook-ի հետ զրույցում մեկնաբանեց Աշխատանքի և սոցիալական հարցերի նախարար Արտեմ Ասատրյանը:
Տեսանյութում օգտագործվել են Armtimes.com կայքի հրապարակումից կադրեր: Մանրամասները՝ տեսանյութում:
Նյութի աղբյուրը ` Newsbook.am
Այս նյութը դիտել են - 8931 անգամ