‹‹Մարիաննա›› ընկերությունը սոցիալական ցանցում հայտնված Գայանե Փատյանի գրառումը համարում է կազմակերպված անհաջող հակագովազդ...
2016-01-18 20:08:00


Եթե մեռնեք, հարցին կտրվի իրավական բնույթ

Եթե մեռնեք, հարցին կտրվի իրավական բնույթ

Հաղորդավարուհի Գայանե Փայտյանն իր ֆեսբուքյան էջում գրառում էր կատարել այն մասին, «Մարիաննա» կաթնաշոռի մեջից պոլիէթիլենի շատ կոշտ ու բավական մեծ կտոր էր դուրս եկել, որ պատահաբար կաթնաշոռի հետ ուտելու դեպքում մարդու կոկորդն ու կերակրափողը, լավագույն դեպքում, վնասվելու էին, կամ մարդը խեղդվելու էր։ Դրանից հետո զայրացած հաղորդավարուհին գրել էր. «Թողնես իրենց կաթնամթերքի շուկան առաջատար հորջորջեն, գովազդներում համապատասխան տեղերը պատռեն, թե ամենալավն ու որակյալը իրենց կաթնամթերքն է, օրական էլ մածունի կամ թթվասերի վրայից կես կամ մի մատ պակասացրած հանեն վաճառքի Կաթնաշոռի մեջից դուրս եկած բոնուս պոլիէթիլենը պահել եմ, եթե «Մարիաննայի» ղեկավարները շատ խնդրեն, կտամ թող ուտեն ամբողջ ընտանիքով»:

 Սակայն այս գրառումից հետո «Մարիաննայի» տերերը (ներառյալ՝ ընտանքի անդամները) ո միայն ցանկություն չհայտնեցին ճաշակել իրենց արտադրածը, այլ մի նեղացած-սպառնալից տեքստ էլ իրենք գրեցին ֆեյսբուքում, որտեղ մասնավորապես ասվում էր. ‹‹Մարիաննա›› ընկերությունը սոցիալական ցանցում հայտնված գրառումը համարում է կազմակերպված անհաջող հակագովազդ: Քանի որ մեր ընկերությունում ներկայումս գործող ժամանակակից հոսքագծերը և սարքավորումները բացառում են նման ‹‹իրերի›› հայտնվելը մթերքի մեջ: Վերջին շրջանում մեր կազմակերպության դիրքերը շուկայում ավելի են ամրապնդվում, և այդ պատճառով, հարգելի սպառողնե՛ր, փորձեր են արվում մոլորեցնելու ձեզ»:

«Մարիաննայի» խոսափողը հաղորդավարուհու գրառումն անհեթեթ է որակում, բայց իրականում ամենամեծ անհեթեթությունն իրենց արածն է: Թե ինչու Փայտյան Գայանեն պիտի դավադրություն նյութեր նրանց դեմ, այն էլ՝ կազմակերպված, միայն Աստծուն է հայտնի: Պատահածի համար ներողություն հայցելու փոխարեն սրանք շտապում են նախազգուշացնել, որ եթե նման գրառումները լինեն շարունակական, դրանց կտան իրավական լուծում, այսինքն մարդկանց դատարան կկանչեն:

Իսկ ինչու՞ սպասել հաջորդներին: Դեպքն արդեն կա, մեղադրանքն արդեն կա, պոլիէթիլենի կտորը կաթնաշոռի մեջ է, հաղորդավարուհին առաջարկում է դա համտեսել: Ինչու՞ պարզաբանումը չսկսել հենց հիմա: Թե՞ «Մարիաննա»-ում մեծ-մեծ խոսողները այնքան էլ վստահ չեն իրենց պնդումներում: Կամ գուցե արտադրանքում էլի շատ կտորներ կան, սպասում են, որ բոլորը գտնվեն, մարդիկ ուտեն, խեղդվեն, որից հետո միայն բանը կհասնի իրավական լուծմանը: Մեռած մարդու հետ այդ գործընթացները շատ ավելի դյուրին կլինեն, քան կենդանի հաղորդավարուհու դեպքում է:

 

 Shame.am
Այս նյութը դիտել են - 1429 անգամ