2017-03-04 02:04:00
Politik.am-ը քիչ առաջ ահազանգ ստացավ, որ Արտաշատ քաղաքի կենտրոնական փողոցներից մեկում` ՀՀԿ շտաբի հարևանությամբ, ծեծկռտուք է սկսվել ՀՀԿ ռեյտինգային թեկնածուների կողմնակիցների միջև:
Հենց ՀՀԿ շտաբի առջև իրար են սկսել ծեծել ՀՀԿ ռեյտինգային թեկնածու Արայիկ Գրիգորյանի կողմնակիցները` Գազի Գարիկ անունով մեկի գլխավորությամբ և ՀՀԿ-ական թեկնածու Ալիկ Սարգսյանի վարորդը` Ազատն ու նրա որդին: Կողմերը իրար անխնա ծեծի են ենթարկել:
Ականատեսների վկայությամբ` կողմերը հասցրել են պատռել միմյանց հագուստը, կռվարարներից մեկն անգամ ինչ-որ պահի զենք է պահել հակառակորդի վրա:
Այս ամենը տեղի է ունեցել փողոցում` պատահական անցորդների աչքի առաջ: Տարածքում հիմա լցված են ոստիկանության աշխատակիցներ, որոնք փորձում են վերահսկողության տակ առնել իրավիճակը:
Փաստորեն ռեյտինգային թեկնածուները պատռում են ՀՀԿ-ի դեմքը: Սերժ Սարգսյանի հայտարարությունները, թե այս ընտրությունները լինելու են ժողովրդավարական արդեն իսկ հերքվում են:
Այս նյութը դիտել են - 1983 անգամ