2017-01-24 14:16:00
ԱՄՆ իշխանությունները առգրավել են 20 միլիոն դոլարի թղթադրամներ, որոնք նրանք հայտնաբերել են Մասաչուսեցի բնակարաններից մեկի անկողնու մեջ։
Իշխանությունները գտնում են, որ փողերը կապված են «TelexFree» ֆինանսական բուրգի հետ, որից տուժել են միլիոնավոր մարդիկ։
Ամերիկյան իրավապահները հետևում էին բրազիլացի Կլեբեր Ռենե Ռիզարիո Ռոկային, ով մեղադրվում էր ֆինանսական բուրգի հետ կապեր ունենալու մեջ։ Նրա բնակարանի խուզարկության արդյունքում էլ հայտնաբերվել է գումարը։
Ըստ մեղադրող կողմի, Ռոկան միլիոնավոր դոլարները Հոնկոնգից Բրազիլիա տեղափոխող համակարգի օղակներից մեկն է։
«TelexFree»-ն Բրազիլիայի խոշորագույն ֆինանսական բուրգերից մեկն է, որը իր հաճախորդներից հավաքել է մոտ 1 միլիարդ դոլար։ Պաշտոնապես այն վաճառում էր IP-հեռախոսների ծառայություններ, սակայն իրականում գումարներ էր աշխատում մարդկանց ներգրավելով, ովքեր պատրաստ էին փաթեթներ գնել և գովազդներ դնել իրենց էջերում։
Այս նյութը դիտել են - 1850 անգամ